Cатира
17 март 2018

Чубарев: Қримда мигрантлар Путин сайловчилари сифатида кўрсатилмоқда

Россияда 18 март куни Владимир Путиннинг яна бир бор президентликка сайланиши кутилмоқда. Федерация ҳудудларидан ташқари 2014 йили Россия ишғол қилган Қримда ҳам сайлов ташвиқоти бошлаб юборилган.

«Ярим оролдаги оккупацион ОАВ аллақачон Россиядаги президент «сайлови» сюжетларни тайёрлашга киришди, бу ишга меҳнат мигрантлари жалб қилинмоқда», деди Қримтатар мажлиси раҳбари Рефат Чубарев «112 Украина» телеканалидаги чиқишида.

Унинг сўзларига кўра, Россия ташвиқотчилари сайловда маҳаллий аҳоли орасидан одам етишмаслигини ҳис қилишмоқда ва бунга ишғол қилинган ҳудудга 2014 йили келиб қолган меҳнат мигрантларини жалб этишмоқда.

«Улар аллақачон бу ишга одамларни жалб қилишмоқда, шу мақсадда Симферополь аэропортида, Таврида ҳарбий йўл қурилишида ишлаётган меҳнат мигрантларини, айтиш жоиз, славян қиёфасида бўлмаган одамларни йиғиб келишмоқда. Уларни гўё сайловда қатнашиш учун келган маҳаллий халқ сифатида кўрсатишади», – дейди Чубарев.

Айни пайтда ижтимоий тармоқда ҳам ўзбеклар Россия президенти фойдасига «Биз овоз бердик, сиз-чи?» дея номланган флешмобларини бошлашган.

«Баъзан Россиядаги «сайловлар»ни троллантираётган бундай одамларни кўриш кулгили, улар бир пайтлар Ўзбекистондаги «сайловлар»да ўйнаб беришганди, энди тағин ўзларининг абсурд постиклари билан лентани ахлатга тўлдиришмоқда», дея ёзади бу ҳақда фейсбук саҳифасида #кетменизация хештеги остида жиззахлик блогер Рафаэль Сатторов.

Россиядаги бу йилги президент сайлови айни Қрим ишғол қилинган санага тўғри келмоқда.

Қрим ярим ороли Россия армияси назорати остида ўтказилган референдум натижасига кўра, 2014 йилнинг 18 март куни Россия таркибига қўшиб олинган эди. Рус расмийлари референдум иштирокчилари Россияга қўшилиш учун 96,77 фоиз овоз берганини айтишади.

Сайлов арафасида Украина ҳукумати Қримда Россия президентлигига сайлов ўтказилишига ўз норозилигини билдириб, БМТ бош котибига йўллаган.

Баёнотда БМТга аъзо давлат раҳбарларига Украинанинг Россия босиб олган Қрим ва Севастополда 18 март куни Россия президентлиги сайлови ўтказилишига қарши экани билдирилган.

Рассом Кирпи
Eltuz.com

Тағин ўқинг
21 март 2020
Кейинги 6 ой давомида биз уларни урдик, калтаклаб майиб қилдик. Бонусига порахўрсан, таъмагирсан, дедик. Машина глушители тешилганида устага шартта ...
16 сентябр 2021
Ўзбекистонда турк сармояси асосида ишлайдиган тўқимачилик ширкатининг собиқ раҳбари¸ 60 ёшли турк ватандоши Нажат Тайланли “Элтуз” мухбири билан суҳбатда ...
1 сентябр 2023
Мен Рассом Туз, Сен билан юзма юз! Ëмонлиқни буз, Яхшиликни туз! Келаëтир совуқ куз Иссиқдан умидни уз! МС: Оғо ...
1 феврал 2021
Ўзбекистонда 500 дан зиёд товарнинг давлат хариди тақиқланди.  Тақиқ рўйхатига хорижда ишлаб чиқарилган товарлар,  масалан,  автомобиллар,  кондиционерлар,  музлатгичлар,  телевизорлар,  ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...