Cатира
19 март 2018

Мирзиëев юрадиган йўлни супурган ўқитувчи «КамАЗ» тагида қолди

Президент келиши олдидан йўлни тозалашга олиб чиқилган самарқандлик ўқитувчи, 23 ёшли Диана Еникеева 14 март куни «КамАЗ» машинаси тагида қолиб ҳалок бўлди.

Ўша куни Каттақўрғон туманидаги 42-мактаб ўқитувчиларининг йўл тозалаётгани акс этган суратлар ва айрим ҳужжатлар «Элтуз» нашрига келиб тушди.

Каттақўрғон тумани ҳокимлиги раддияси

Бу сурат ва ҳужжатларда ўқитувчиларнинг сурункали мажбурий мехнатга жалб қилингани ўз исботини топади.

Айни пайтда Каттақўрғон тумани ҳокимлиги Диананинг мажбурий меҳнат қурбони бўлганини рад этди.

«Ўрганишлар натижасига кўра, мактаб ўқитувчилари, жумладан, Диана Еникеева ҳам ҳеч қандай йўл четини тозалаш, супуриш учун чиқарилмаган», дейилади 18 март санаси ëзилган ва “Элтуз” нашрида нусхаси мавжуд бўлган раддияда.

Бироқ Каттақўрғон тумани ҳокими ўринбосари М.Музаффаров ва вилоят халқ таълими бошқармаси бошлиғи ўринбосари Қ.Саидов имзолаган ҳужжатнинг кейинги абзацларидаёқ «ҳеч қандай йўл четини тозалаш, супуриш учун чиқарилмаган», деган гап инкор этилади.

«Шаҳар-туманлар маркази, маҳаллалар, гузарлардаги хиёбонлар, кўчалар атрофи ва ариқлар четлари тозаланиши, дарахт ва гул кўчатлари экилиши бор гап», дея уқтирилади ҳужжатда.

Ҳокимликнинг билдиришига кўра, бу ҳолат «мамлакатда март-апрель ойлари ободонлаштириш ойлиги, деб эълон қилингани ҳам «Тозалик бор жойда, барака бор» нақлининг амалий ифодасидир».

Ўзбекистон президентининг вилоятларга ташрифидан олдин маҳаллий ҳокимликларнинг “хўжа-кўрсин” тадбирлари ва супуриб сидиришларга, асосан, ўқитувчи ва тиббиëт ходимлари жалб қилинмоқда.

Рассом Кирпи
Eltuz.com

Тағин ўқинг
23 январ 2023
2022 йил 28 декабр куни Сирдарё вилоятидаги “Индорама Агро” компаниясининг 392 нафар ишчисига уларнинг компания ходими сифатидаги меҳнат шартномалари ...
7 декабр 2021
1 декабрдан 2 декабрга ўтар кечаси Урганчда Жалолиддин Мангуберди ҳайкали бузиб ташланди. Шу куни унинг демонтаж қилинган ҳайкали 53-008-ҳарбий ...
3 феврал 2020
Ўқитувчиларни мажбурий меҳнатга жалб қилишда узоқ йиллар жонбозлик кўрсатиб келган Андижон вилояти ҳокими Шуҳратбек Абдураҳмонов “Халқ таълим ҳомийси” кўкрак ...
12 сентябр 2019
Сайтимизнинг қадрли ўқувчилари. Сиздан бу йилги мавсумда талабалар, турли идоралар ходимлари ёки тадбиркорларни пахтага жалб қилиш ёки уларни пахта ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...