Ўзбекистон Миллий телерадиокомпанияси МХХ қолдиғидан тозаланди

Ўзбекистон Миллий телерадиокомпанияси раисининг хавфсизлик масалалари бўйича ўринбосари деган лавозим шамсияси остида сиëсий цензурани амалга ошириб келган, аслида собиқ МХХ вакили Абдусалом Шодмонов ишдан бўшатилди.

МТРК девонхонаси мулозимининг «Элтуз»га айтишича, Шодмонов 6 апрель куни ишдан бўшатилган ва бу лавозим таг-туги билан тугатилган.

12 апрель кунги ҳолатда Шодмонов МТРК сайтидаги раҳбарлар рўйхатидан олиб ташланмаган.

МХХ тугатилиб, ДХХга айлангани ортидан мамлакат идораларидаги МХХ кураторлари бирин-кетин ишдан олингани кузатилмоқда.

Ўтган ойда Ўзбекистон мусулмонлари диний идораси раисининг МХХдан тайинланган ўринбосари Айдарбек Тулепов ишдан олиниб, унинг лавозими тугатилган эди.

Миллий телеканални қўлдан бергиси келмаётган махфий хизмат зобити рассом Кирпи карикатурасида ўз аксини топди.

Рассом Кирпи
Eltuz.com