Cатира
7 июн 2018

ХМТ семинарида ортиқча гапирмаслик буюрилди

Учкўприк тумани ҳокимлиги мажлислар залида Халқаро меҳнат ташкилоти эксперти Светлана Егорова иштирокида мажбурий меҳнатнинг олдини олиш масалаларига бағишланган семинар-тренинг бўлиб ўтди.

«Касаба уюшмалари федерациясининг Фарғона вилояти вакили бизга савол бермасликни қаттиқ тайинлади. Мажбурий меҳнат йўқлигини айтишимизни буюрди”, дейди семинар қатнашчиларидан бири «Элтуз» мухбирига.

Унинг ҳикоя қилишича, Светлана Егорованинг “пахта нима”, дея берган саволига ҳамма “миллий бойлигимиз», дея жавоб берган.

Маърузачи шунда “тиллачи?” деб сўраган. Ва ўзи “Нега Ўзбекистон ҳукумати тилла конига бирорта ҳам бегона одамни, ўқитувчи ёки шифокорни киритмайди-ю, пахта далаларига оммавий тарзда қўйворади?

Агар пахта ҳам миллий бойлик бўлса, уни ҳам ҳукуматнинг ўзи тилла конини қўриқлагандек қўриқласа бўлмайдими», дея семинар иштирокчиларига мурожаат қилган.

Шунингдек, маърузачи, “Мен бошқа давлат вакили бўлсам ҳам ҳашар деган удумингизни тушунаман. Ҳашар бир ёки уч кунгача бўлиши мумкин. Лекин пахта ҳашари нима учун икки ойлаб давом этади?” дея сўраган.

Светлана Егорова қатнашчиларга Ўзбекистондаги пахта йиғим-терими мажбурий меҳнат эканлигини мисоллар ёрдамида тушунтириб берган.

«Йиғилганлар касаба уюшмалари вилоят кенгаши вакили томонидан қаттиқ назорат қилиб турилди. Ортиқча саволлар берилмади», дейди «Элтуз» суҳбатдоши.

Касаба уюшмалари: ҳимоячими ёки назоратчи?

Меҳнат ҳуқуқи бўйича эксперт Андрей Мрост томонидан 2015 йилда ўтказилган «Ўзбекистон касаба уюшмалари федерацияси: меҳнаткашлар ташкилотими ёки ишчиларни назорат қилиш воситасими?» мавзуидаги тақдиқот хулосаларида қуйидагилар қайд этилади:

«Ўзбекистонда меҳнаткашларнинг манфаатлари гўёки Ўзбекистон касаба уюшмалари федерацияси (ЎКУФ) томонидан ҳимоя қилинади ва олға сурилади. Уставида бу федерация ҳукумат ва иш берувчилардан мустақил ва демократик ташкилот экани ёзиб қўйилган.

2015 йилда ЎКУФ Касаба уюшмалар халқаро конфедерацияси (КУХК)нинг уюшган аъзоси мақомини қўлга киритди ва унга халқаро тан олинган меҳнат меъёрларини ҳаётга татбиқ этиш фаолиятидаги ўсишларни доимий равишда хабар қилиб туриш шарти қўйилди.

Мустақил кузатувчилар ҳар йили катталар теримчи сифатида пахтага янада кўпроқ мажбурий сафарбар этилаётгани ҳақида хабарлар тарқатаётганига қарамай, гарчи Ўзбекистонда катталар мажбурий меҳнатининг бошқа тури (масалан, тиббиёт ходимлари ва ўқитувчилар ишдан бўш вақтларида шифохона ва мактабларни тозалашга текинга жалб этилади) гуллаб-яшнаётган бўлса-да, ЎКУФ ўз имкониятларидан умуман фойдаланмади, шунингдек, суиистеъмолликлар тўғрисида ХМТ ёки КУХКга маълум қилиш мажбуриятини бажармади.

Бунинг ўрнига, федерация Ўзбекистон ҳукумати ва иш берувчиларнинг қилғиликларини зўр бериб ҳимоя қилмоқда. Бундан ташқари, инсон ҳуқуқлари бузилишига қарши курашиш ёки оддий аъзоларининг манфаатларини олға суриш учун бирор марта ишчиларнинг чиқишларини уюштирмади ва жамоавий музокараларда иштирок этмади.

Аксинча, у ишчиларни ҳукумат томонидан кўрсатма берилган дастурларни бажаришга жалб этади ва ҳукумат томонидан иш ҳақи, иш соатлари, шарт-шароитлари ва ҳоказолар аниқ кўрсатиб берилган жамоавий шартномаларни тузади».

Eltuz.com

Тағин ўқинг
28 май 2016
«Халқ сўзи» газетасининг ёзишича, Тошкент вилояти бўйича 1158 нафар маҳалла фуқаролар йиғини раиси ва уларнинг 11 мингдан зиёд маслаҳатчиларини ...
8 ноябр 2016
7 ноябр куни Арманистон республикаси Омбудсмани Арман Татоян Ўзбекистонлик ҳамкасби Улуғбек Муҳаммадиев номига мактуб йўллади. Бу арман омбудсмани томонида ...
20 октябр 2016
Олдин ҳам ёзгандик, Бош вазирнинг виртуал қабулхонасига мурожаат қилаётганлар ўз муаммоларига тез ечим топаётганидан миннатдор бўлаётгани ҳақида сўнгги вақтларда ...
8 март 2018
Канадалик ўзбек ҳуқуқшуноси Дилсора Фозилова 8 март куни «Элтуз» канали орқали юнусободлик имом Раҳматуллоҳ Сайфуддиновнинг «турк сериалларини кўрган аёллардан ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...