Cатира
25 январ 2016

Ҳукумат эътиборидан қолган ўзбек халқ артистлари

Маданият ва спорт вазирлиги эълон қилган Ўзбекистон халқ артистлари рўйҳат билан танишаркан, уларни ҳукумат исталган ва исталмаганларга ажратганини сезиш мумкин.

Халқ артисти Фарруҳ Зокиров ҳам киритилмаган вазирлик сайтида эълон қилинган ушбу рўйхатдан Шерали Жўраев, Фарруҳ Зокиров, Юлдуз Усмонова, Ортиқ Отажонов ва Бобомурод Ҳамдамов каби халқ артистлари ҳам тушириб қолдирилган.

Вазирлик сайтидаги рўйхатнинг xалқ артистлари бўлимида фақат 10 нафар артистнинг номини кўрамиз. Гулсанам Мамазоитова билан бошланадиган бу рўйхатга Зулайхо Бойхонова, Махмуд Намозов, Муножот Йўлчиева, Насиба Абдуллаева, Озодбек Назарбеков Ўктам Ахмедов исмлари тиркалган.
Рўйхатда Мардон Мавлонов ва Сойиб Ниëзов каби эл танимаган халқ артистлари борлиги маълум бўлади. Фахрли рўйхат сўнгида Ғуломжон Ëқубов исми турибди.

Вазирликнинг ҳазили

Сўз усталари бўлимида қизиқчи Мирза Ҳолмадов бору лекин Обид Асомов йўқ.

Ўзбекистон халқ артисти Обид Асомовга яқин манбалар Eltuz.com билан суҳбатда бу рўйхатни “вазирликнинг ҳазили” деб аташди.
Рўйхатнинг хонандалар бўлимида Феруза Жуманиëзовани ҳам Лола Йўлдошеван ҳам кўрмаймиз, Шерали Жўраевнинг икки ашулачи ўғли исми ҳам кўринмайди.

Рўйхатда Ортиқ Отажоновнинг ўғли Улуғбек Отажонов ҳам йўқ. Лекин Юлдуз Усмонованинг қизи Нилуфар Усмонованинг исми бу рўйхатга санъаткор билан вазирлик ўртасидаги муроса тимсоли ўлароқ қўйилгандек туюлади.

Ҳукумат эътиборига сазовор бўлмаслик мавқеи

Маданият ва спорт ишлари вазирлигидаги Eltuz.com манбасининг таъкидича “Вазирлик расмий сайтига кирмай қолган қўшиқчилар унвонидан айрилгани йўқ, улар фақат эътибордан қолган” Вазирлик сайтида эса бу рўйхатга тўй буюртмачилари учун янада қулайлик яратиш мақсадида, таниқли санъаткорлар, эстрада гуруҳлари, бошловчи ва сўз усталарининг телефон рақамлари илова қилингани айтилади.
Рўйхатда санъаткорларнинг исми, фамилияси, маъмурининг телефон рақами ёзилган бўлиб, тадбирлар, тўю томошаларни ўтказишга таклиф қилиш мақсадида боғланиш мумкинлиги таъкидланади.

Қодиров Шарофиддин
Eltuz.com

Тағин ўқинг
18 май 2017
Британияда яшаётган, 69 ёшн ўзбек профессори Аҳмад Ҳожи Хоразмий бир соатлик қўшиқлари дастасини ютуб каналига қўйди. Дам тор, дам ...
15 феврал 2017
Шавкат Мирзиёевнинг ташаббуси билан Тошкентда Афросиёб ва Бешёғоч кўчалари кесишган жойда кўпфункцияли уникал Муз саройи қурилади. Хабар қилинишича, иншоотнинг ...
4 март 2018
3 март куни адвокат Сергей Майоров беш ойдан бери МХХ изоляторида сақланаётган журналист Бобомурод Абдуллаев билан учрашди. Ҳуқуқ фаоли ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза қилиши кутилмоқда. Бу унинг ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...