Cатира
21 август 2018

Ўзбек ОАВ нишонида «тунги клублар»

Ҳукуматнинг кўнгилочар масканларга рейдлари ортидан ўзбек матбуотида «тунги клублар»ларни ёмонотлиқ қилиш авж олди.

Айни тенденциядаги кўрсатувларни «Ёшлар» телеканали узатди. «Кун.уз», «Қалампир.уз» «Xabarlar» cайтлари шунга монанд хабарларни тарқатди.

тТошкент шаҳри ИИББ ва солиқ тизимлари билан биргаликдаги тунги клубларга рейдлари асосида «Ёшлар» телеканали 19 август куни уюштирган кўрсатувда Юнусобод туманидаги Аҳмад Дониш ва Янгишаҳар кўчалари кесишмасидаги тунги клублар фаолияти кўрсатилади.

«Ўлишни тақиқлаш керак!»

«Comedy.uz» ҳажвчиси Нозим Сафарий ўзбек ҳукумати ва матбуотининг «тунги клуб»ларга хуружини ҳажв остига олди.

«Телевизордан катта катта шахслар, ёзувчилар ва бошқа фаоллар «Тунги клублар – бу жамиятимизнинг муаммоси!», «Бу ерда гиёҳвандлик авж олмоқда!», «У ерда фоҳишалар йиғилган!», «Караул! Энг катта муаммомиз тунги клублар!» деб бутун оламга жар солишмоқда», дейди Нозим Сафарий ўз видеоблогида.

«Биз тунги клубларни, спортчи билан бўлган вазиятни биламиз. Лекин статистикани олиб қарайдиган бўлсак, жиноятлар, суиқасдлар ва қотилликлар рўй бериши бўйича тунги клублар энг охирги ўринларни эгаллайди. Тунги клубларда қотилликлар, жиноятлар жуда кам рўй беради аслида. Лекин биз уларни тақиқлаш тарафдоримиз! Билмадим, нега…

Унда келинглар, бошқа нарсаларни ҳам тақиқлайлик! Энг кўп суиқасдлар, қотилликлар, зўрлашлар қаерда рўй бермоқда?

Хўжаликда, оилада! Ҳа, бу статистика, олиб кўришларингиз мумкин.
Энг кўп суиқасд оилада рўй бермоқда. Шунинг учун, таклифим, келинглар, уйланишни тақиқлаймиз, оила қуришни тақиқлаймиз. Муаммо бўляпти бошидан, тўй, уйланиш, харажатларимиз.


Яна қаерларда. Йўлларда ўляпти одамлар! Машинада кетяпти, пиёда кетяпти, юраги қисилиб ўлиб қоляпти. Йўлларни тақиқлаш керак! Йўлларда юришни тақиқлаш керак!


Агар шундай мантиқ билан борадиган бўлсак, шу тўғри бўлади. Яна қаерда, ҳа! Жарроҳлик столларида. Энди ҳар хил касалликлар бўлади! Айб биланми, беайб, ўша жарроҳлар сабаб одамлар жарроҳлик столларида ўляпти. Шунинг учун, келинглар, жарроҳлик амалиётини тақиқлаймиз.


Йўқ! Йўқ! Бу ерда энг тўғри ечим – ўлишни тақиқлаш. «Ўлсанг, ўлдираман!» жазоси остида тақиқлаб қўйиш керак», деди ҳажвчи Нозим Сафарий ўз видеоблогида.

Хуружларнинг бошланиши

Тунги клубларга қарши ўзбек матбуотидаги хуружлар ёш спортчи Жамшид Кенжаевнинг 8 август куни Тошкентдаги “Aurum 898” тунги клубида ўлдирилганидан кейин авж олди.

Қўриқчилар билан чиққан жанжалдан сўнг тунги клубларга рейдлар кучайди. 

“Aurum 898” билан бирга Яккасаройдаги «Луксор» тунги клуби фаолияти тўхтатилди.

Бош вазир Абдулла Ариповнинг оғзаки буйруғи билан 11 августдан бошлаб тунги кўнгилочар масканлар фаолияти, алкогол савдоси соат кечки 9.00 дан сўнг тақиқланди.

Рассом Туз
Eltuz.com

Тағин ўқинг
26 октябр 2017
Октябрь ойида жинсий зўравонликлар Ғарб мамлакатлари оммавий ахборот воситаларида энг кўп муҳокама этилаётган мавзулардан бирига айланди. Ўзбекистонда эса аксинча, ...
22 апрел 2023
Агар, дейлик, турк ëзувчиси Ўрхон Помуқ¸ Эрон киночиси Асгар Фарҳодий  ëки Хитой рассоми Чжан Сяоган Парижга келса, Франция матбуоти ...
6 март 2017
Амакиси президент бўлган Ўзбекистондаги тузумнинг танқидчисига айлангани ортидан 2006 йил кузида руҳий касаллар шифохонасида банди этилган жиззахлик журналист Жамшид ...
24 декабр 2019
Чунки ҳали Ўзбекистонда сайловни тўлиқ демократик тамойиллар асосида ўтказиш учун етарлича шароит мавжуд эмас. Худди шундай фикр билдирган мустақил ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...