Ҳуқуқбузарни «чаққанлар» мукофотланадиган бўлди

Ҳукуматнинг янги қарорига кўра, Ўзбекистонда 2019 йилнинг 1 июлидан йўл ҳаракати қоидаси бузилгани тўғрисида маълумот юборган шахслар мукофотланади.

Адлия вазирлигининг «Ҳуқуқий ахборот» канали орқали маълум қилишича, «ҳуқуқбузарлик ҳолатлари тўғрисидаги видеоёзувларни юборган шахслар энг кам ойлик иш ҳақининг беш фоизи миқдоридаги пул мукофоти билан рағбатлантирилади».

Жумладан, «ҳуқуқбузарлик ҳолатлари тўғрисидаги видеоёзувларни тақдим этган шахслар ҳақидаги маълумотлар ошкор этилмайди», дейилади бу ҳақдаги ҳукумат қарорида.

Ҳужжатга кўра, автомобилларга ўрнатиладиган видеорегистратор эндиликда расмий ускуна – видеорадарга тенглаштирилади.

Рассом Туз
eltuz.com