Таҳлил
30 июн 2016

Мажбурий меҳнат боис Ўзбекистон рейтинги пастлади

Бугун АҚШ Давлат департаменти ўзининг одам савдосига қарши курашишга доир йиллик ҳисоботида Ўзбекистоннинг рейтингини мавжуд имкониятдан энг паст даражага – Tier 3 гача туширди. 2013 йилдан бошлаб Ўзбекистон пахта секторида болалар меҳнатидан фойдаланишга чек қўйилганига қарамай, давлат ҳар йили ёши катталарни пахта етиштириш ва йиғиб-териб олиш ишларига мажбурий жалб этишда давом этмоқда.

2015 йилги пахта мавсумида мажбурий меҳнат мониторингини ўтказаётган фуқаролик жамиятининг мустақил фаолларига ҳужумлар сони кескин ошгани қайд этилди.

Ҳуқуқ ҳимоячилари Елена Урлаева ва Малоҳат Эшонқулова бир неча бор ушланди ва милиция бўлимларида таҳқирли тинтувларга дучор бўлди, Ўктам Пардаев ҳибсга олинди ва сохта айбловлар бўйича суд қилинди, Дмитрий Тихонов уйи ёниб, қамоққа олиниш таҳдиди остида қолганидан сўнг мамлакатдан қочиб кетишга мажбур бўлди.

Ўзбекистон пахтачилигида мажбурий меҳнат тизими ўзгаришсиз қолмоқда. Давлат жазо қўллаш, жумладан, ишдан бўшатиш ва ижтимоий ёрдамдан маҳрум этиш, талабаларни университетлардан ҳайдаш таҳдиди остида энг камида миллион кишини пахта далаларида ишлашга мажбурламоқда.

Ўзбекистон пахта экспорти бўйича дунёда бешинчи ўринда туради. Хомчўтларга кўра, ҳар йили пахта сотишдан тушадиган юзлаб миллион долларлаб маблағ фақат ҳукумат элитаси манфаатларига хизмат қилади.

Очиқ жамият жамғармаси тадқиқотларига кўра, пахта савдосидан олинган маблағ мамлакат бюджетидан ташқаридаги махсус «Агрофонд»га бориб тушади, унга фақат олий мансабдорларнинг тор бир доирасигина даҳлдордир.

АҚШ Давлат департаменти одам савдоси бўйича вазиятга оид ҳисоботини ҳар йили эълон қилади. Ҳисоботда давлатларнинг эркаклар, аёллар ва болаларнинг меҳнат ва жинсий эксплуатациясини тугатиш учун зарур энг минимал стандартларга жавоб берадиган саъй-ҳаракатларига баҳо берилади.

Ҳар бир давлатнинг саъй-ҳаракатларига уч балли Tier ўлчовида баҳо берилади. Tier 1 га киритилган мамлакатлар меҳнат ва жинсий эксплуатацияга қарши курашишдаги вазият энг яхши давлатлар ҳисобланади. Tier 2 га бу борада етарли саъй-ҳаракатлар кўрсатмаётган, Tier 3 га эса одам савдосига қарши курашишда энг суст мамлакатлар киритилади.

Eltuz.com

Тағин ўқинг
5 январ 2016
Жиззах вилояти ҳуқуқ-тартибот идоралари ходимлари асоссиз, уйдирма айбловлар билан қамоқда қолаётган ҳуқуқбон Ўктам Пардаевнинг оила аъзоларига Янги йил “совға”си ...
30 ноябр 2015
Дўстлик тумани ТИИБ терговчиси Ориф Анорбоев кимдир маслаҳат учун пул тўлаганлигини билиш учун Ўктам Пардаевга ёрдам сўраб мурожаат қилган ...
25 июл 2016
Шу тариқа йигирманчи асрда бошланиб йигирма биринчи асрда ҳам 15 йил яшаган видео-васвасага нуқта қўйиладиган бўлди. Япониянинг Sony ширкати ...
25 октябр 2016
Чақимчилик ва тирикчилик Ўзбекистонда бир-бирининг ажралмас қисмига айланиб бўлди. Бу энди биргина милиция, МХХ ёки уларга ишлайдиган махсус айғоқчилар, ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...