Таҳлил
30 ноябр 2016

Ўзбек халқидан ўмарилган пуллар эгаcига қайтарилсин!

Бир гуруҳ ўзбек фаоллари Телекоммуникация секторидаги коррупцион схемалар ёрдамида тўпланган активларнинг мусодара қилиниши ва коррупция жабрдийдаларига қайтарилиши лозимлиги ҳақида уларни музлатган ҳукуматларга очиқ хат йўллади.

Бу юзадан бугун 30 март куни change.org ижтимоий тармоғида электрон петиция ҳам ташкил этилиб унга имзолар йиғила бошланди.

Улар АҚШ, Швейцарии, Швеции, Нидерланд, Белгия, Ирландия ва Люксембург давлатларига АҚШ Адлия Департаментининг Ўзбекистон тепасидаги ҳукмрон коррупционерлар томонидан ўзлаштирилган $850 миллион долларни мусодара этиш даъвосини қўллаб қувватлаш илтимоси билан мурожаат этишди.

Фаоллар мазкур давлатлардан ушбу активларни айни жиноятлар учун жавобгар бўлган Ўзбекистон ҳукуматига қайтармасликка, балки бу маблағларни тўғридан-тўғри коррупция жабрдийдалари бўлган бутун Ўзбекистон халқига йўналтиришга чақиришади.

Ноҳалол йўллар билан топилган активларни адолатли репатриация қилинишига бир мисол Қозоғистондаги Бот Жамғармаси бўлиши мумкин, демоқда фаоллар.

Агар Ўзбекистон ҳукумати бу каби жамғарма ишига шароит яратиб беришга рози бўлмаса, у ҳолда кўзланган активлар юқорида қайд этилган ҳукуматлар ва Ўзбекистон фуқаролик жамиятининг ишончли бошқаруви остида музлатилиши лозимлиги айтилади мазкур мактубда.

Фаоллар томонидан имзоланган тегишли мактубни қуйида ўқиш мумкин.

Ушбу мактуб фақат, Ўзбекистоннинг ислоҳотлар йўлига қадам қўйишини ва Коррупциядан озод бўлишини қўллаб қувватлаш ниятидаги барча шахслар таклиф этиладиган ташаббуснинг бошламаси сифатида кўрилади.

Имзолар эса бу ерда йиғилмоқда.

Eltuz.com

Тағин ўқинг
20 июл 2017
1 августда Ўзбекистонда Олий ўқув юртларига кириш учун имтиҳон ўтадиган жойларга бу йил видеокамералар ўрнатилади, абитуриентлардан бармоқ излари олинади. ...
27 ноябр 2017
Тошкентда ашаддий қиш бошланишидан дарак берувчи давомли ёмғир нарх-наво кескин ошишига ишорат ўлароқ ёғмоқда. Ўтган якшанбада Тошкент бозорларида нарх-наво ...
19 март 2018
1989 йилнинг 19 мартида Тошкент марказидаги Ленин майдони (ҳозирги Мустақиллик майдони)да норозилик митинги бўлиб ўтди. Митингни “Бирлик” халқ ҳаракати ...
27 май 2016
Жорий ҳафтада Асакадаги машина заводида яна 50 киши сўроққа тортилиб¸ шаҳарни тарк этмаслик борасида имзо чектирилди. Бундан олдин ўнлаб ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...