Вақт машинаси
13 декабр 2015

13 декабр – маҳкум ҳуқуқ ҳимоячиси Аъзам Фармонов туғилган кун

2015 йилнинг 13 декабрида, Жаслиқ турмаси маҳкуми, ҳуқуқ ҳимоячиси Аъзам Фармонов 37 ёшга тўлади. 2006 йилнинг апрелида уни ҳибсга олишган пайти 27 ёшда эди. Аъзам Фармонов 300 долларга яқин миқдорда “таъмагирлик” айби билан 9 йил озодликдан маҳрум этилганди. 2015 йил апрелида “Жазони ижро этиш муассасаси қонуний талабларига бўйсунмаганликда” айбланиб, унинг муддати тағин беш йилга узайтирилди. Халқаро Амнистия Аъзам Фармоновни виждон маҳкуми деб эътироф этди.

rasm602Бугун Аъзам Фармонов оиласи ўз азиз инсонини туғилган куни билан қутлайди

Қадрли Аъзам,
Бугун, гарчи сен ёнимизда бўлмасангда, биз сенинг туғилган кунингни нишонлаймиз ва сени чин дилдан кучли севишимизни айтиб, тезроқ уйга қайтишингни истаймиз. 13 декабр куни сен 37 ёшга кирдинг. Бу дегани, озодликдан маҳрум бўлганинга 10 йил бўлди. Бизнинг фироғимизга ҳам роппа роса ўн йил бўлди. Сен ўз ҳаётингнинг энг яхши йилларини турмада, ўз оиланг, қариндошларинг ва дўстларингдан йироқда кечирдинг.

Биз тезроқ озод бўлишинг умиди билан яшаяпмиз. Шу йиллар давомида сенинг фарзандларинг катта бўлди. Уларни ардоқлашинг, тарбиялашинг учун, ўғлинг ва қизинг ёнида бўлишинг қанчалик қимматли. Шу кунларда, дуо қилиб фақат бир нарсани тилаймиз, келгуси туғилган кунингни оиланг бағрида ўтказишингни. Аллоҳдан соғлиғингни сақлашини ва нормал ҳаётган қайтаришини тилаймиз.

Биз сенинг жазо муддатингни тағин беш йилга чўзилишини мутлақо ноҳақлик деб ҳисоблаймиз. Бироқ сенинг тезроқ уйга қайтишинга бўлган умидимиз доимо қалбимизда. Биз Ўзбекистон ҳукуматидан, биринчи навбатда президент Ислом Каримовдан, биз учун қадрли бўлган инсонни бизга қайтаришини сўраймиз.

Онанг Раъно Фармонова
рафиқанг Озода Ёқубова,
фарзандларинг Мадина ва Озодбек Фармоновлар,
ака укаларинг Абдулазиз, Абдулла, Абдуҳамид, Тўланбой ва Муҳиддин Фармоновлар,
опа-сингилларинг Замира, Фарида ва Наргиза Фармоновлар

Тағин ўқинг
20 феврал 2016
Куни кеча 7 йиллик қамоқ жазосига хукм қилинган жиззахлик фермер Арамаис Авакяннинг турмуш ўртоғи Ширин Турсиновани яшаб турган махалласидан ...
9 сентябр 2015
Сизни чопиқ ёки пахта теримига мажбурлаётган давлат муассасаси маъмуриятига мурожаат қилиб, юқорида келтирилган қонунларга таянган ҳолда пахта теримида иштирок ...
24 феврал 2017
Андижонда пенсия пулларини вақтида ололмаган пенсионерлар яна пластик карточкадан фойдаланишга ўтмоқда. Жойлардаги пенсия жамғармалари бўлимлари олдида ҳар куни тумонат ...
12 июн 2018
Бундан бир қанча вақт аввал айрим маҳаллий сайтлар “Жаҳон” ахборот агентлиги хабарига таянган ҳолда Бельгиянинг Victor Buyck Steel Construction ...
Блоглар
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
4 июн 2018
Ўзбекистоннинг 90 фоиз бозорини эгаллаган қўшма корхона шаклидаги “ЎзБАТ” акциядорлик жамияти 2017 йил якунлари бўйича ...
28 май 2018
Андижон вилоятида тадбиркорликни ривожлантириш мақсадида шу кунларда жисмоний ва юридик шахсларга ажратилаётган уч фоизлик кредитнинг ...