Асосий мавзулар
22 май 2018

22 май – «Шарқ оққуши» номи билан донг чиқарган балерина Малика Собирова туғилган кун

Малика Собирова 1942 йилнинг 22 майида ўзбек найчиси Абдураҳим Собиров ва осетиялик шифокор Мадина опа оиласида туғилиб, ëшлигидан нафосатга ошно бўлди.

Қизалоқнинг нафис ҳаракатлари Ленинграддаги хореография билим юрти ўқитувчиларини ром қилди.

1952 йилда Малика Собирова афсонавий раққоса Надежда Бозорова қўлида таҳсил ола бошлади.

rasm1448
Раққоса сурати совет журналлари муқоваларини безади

Дунëга машҳур опера ва балет (Мариинский) театри саҳнасида қўйилган «Щелкунчик» балетида Малика кичкинтой Маша ролини ўйнаб таҳсин олди.

Рақсдан таъсирланган театр балетмейстери Маликага кўзи очилиб ëпиладиган қўғирчоқ совға қилди.

Бу қўғирчоқ Малика наздида доимо энг юксак эътироф нишонаси бўлиб қолди.

Ўқишни тугатган Малика 1961 йилдан бошлаб Айний номидаги Тожикистон ССР давлат опера ва балет театрида иш бошлади.

Раққоса 1965 йилда Варна шаҳридаги балет конкурсига номзод қилиб танланди.

Малика Собирова Москвадаги Большой театрда Асаф Мессерер ва Галина Уланова раҳбарлигида танловга тайëрланди.

Танловда совет балеринаси сифатида муваффақият билан қатнашган Малика энди Британия ва Ирландия саҳнасида рақс тушиб олқиш олди.

rasm1450
Малика Собирова эри Музаффар Бурхонов билан

Бу орада Малика ўз саҳнадоши Музаффар Бурхонов билан турмуш қурди.

Уларнинг биргаликдаги рақслари дунë балетсеварлари юрагини ҳапқиртирди.

Малика СССР халқ артисти мақомига эришди. Аммо масъуд кунлар узоқ чўзилмади. Докторлар Маликага ўпка саратони деган шафқатсиз диагнозни қўйди.

Малика Собирова 1982 йилда Москвада оламдан ўтди. Шарқ оққуши сифатида балет саҳнасининг маликасига айланган раққоса афсонаси шу тариқа ғамгин якунланди.

Раққосанинг эри Музаффар Бурхонов Тожикистондаги фуқаролар уруши даврида майдонга чиққан миллатчи ва диний экстремистлар тазйиқидан қочиб Польшага кетди.

Видео: Малика Собирова ва Музаффар Бурхоновнинг «Вакханалия» балет композициясидаги рақси

Райхон Тўйчиева
Махсус Eltuz.com учун

Тағин ўқинг
15 апрел 2016
Тадбирда терроризм, экстремизм билан боғлиқ жиноятларга қарши курашишда ўзаро ҳамкорликни янада ривожлантириш, хавфсизлик ва барқарорликни мустаҳкамлаш масалалари юзасидан фикр ...
24 март 2016
Туркманистон президентидан китоб совға олган мулозимлар уни манглайига суртмоқда. Eltuz.com айни ғаройиб сиғиниш ритуали акс этган ҳолатни ҳажв остига ...
3 октябр 2018
Йирик миқдорда товламачилик ва коррупцияда айбланиб, жазо ўтаётгган 46 яшар Гулнора Каримова 2 октябрь куни хусусий учоқда Дубай шаҳрига ...
23 ноябр 2016
Аввалига ижтимоий тармоқда фейк аккаунтлар орқали тарқалган, Гулнора Каримованинг ўлгани ёки тириклигига оид хабарлар тезгина ўзини жиддий дея санаган ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...