Асосий мавзулар
12 апрел 2017

Антигинеколог имом журналистларни фитнада айблади

Эркакларнинг доялик қилишига қарши маърузаси билан танилган тошкентлик 42 ёшли имом Сайфуддинов мавзуни ёритган журналистларни фитнада айблади.

«Эркак кишини эркак доктор, аёл кишини аёл доктор кўрмоғи – бу, шариатимизнинг талаби», – дея ўзини оқлади Тошкентнинг Юнусобод тумани имом-хатиби Раҳматуллоҳ Сайфуддинов ўзининг 7 апрел куни жума маърузасида.

Бундан илгариги маърузасида буни у «шармандалик» дея атаган, бу эса тармоқ юзерларининг изоҳлари ва сайтларда турли баҳсларни келтириб чиқарганди.

Имомнинг чақириғи ортидан, Элтуз нашри вазирликка шикоят қилган Фарида Шарифга тазйиқлар бошлангани ҳақида ҳам ёзган эди.

Унинг кейинги иддаолари тағин жиддий саволлар туғдиради.

Тиббиёт муассасалари иккига ажратиладими?

Агар имомнинг сўзларига кўра «эркак кишини эркак доктор, аёл кишини аёл доктор кўрмоғи» шарт бўлса, тиббиёт муассасаларини тенг иккига ажратиш керак бўладими?

Имомнинг иддаолари мамлакат президенти Мирзиёевнинг тиббиёт тизимини ислоҳ қилиш ҳақидаги кескин танқидий чиқишларидан сўнг янграй бошлади.

Ўзбекистондаги тиббиёт тизимининг энг оғриқли муаммолари мутахассис врачларнинг мамлакатни ташлаб ҳорижга чиқиб кетишаётгани ва коррупция экани ҳақида кўп гапирилди.

Шу маънода тағин саволлар туғилади.

Бемор аёллар ва эркаклар учун алоҳида шифохоналар ва мутаҳассисларни – тиш докторлари, юрак, саратон, жигар касалликлари билан шуғулланувчи шифокорларни қаердан топамиз?

Агар мусулмон дунёси учун имом айтган талаблар жоиз бўлса, узоқ ўтмишда бу муаммо қандай ҳал этилган?

Ибн Сино давридаги тиббиёт олимлари аёл ва эркак анатомиясини қандай ўрганишган?

Бу гаплар рус тиллиларга тегишли бўлмаса…

Ўз маърузаси фақат ўзбекларга тааллуқли экани ҳақидаги Юнусобод имомининг яна бир иддаоси одамларни яна ҳам кўпроқ таажублантиради.

«Рус тиллиларга тегишли эмас бу гап», – деган эди жумладан имом ўзининг 7 апрел куни чиқишида.

Наҳотки энди замонавий медицина беморларни нафақат жинси, балки тилига қараб бир нечта гуруҳларга ажратиши керак бўлса.

Имомнинг тиббиётга сексизм қаҳрабоси орқали қараши – яъни беморларни жинсий аломатига кўра ажратиши, бунинг устига миллатига кўра бўлиши, жамиятда янги жиддий муаммолар туғдирмайдими?

Бошқа томондан эса бу, миллий анъаналар ҳақидаги гапларга ишониб, сал бўлмаса ўз қайлиғидан ажралиб қолаёзган «Кавказ асираси» филми қаҳрамони ҳолати каби кулгилидир.

Айни абсурд ҳолатлар Элтузнинг бир минутлик ижтимоий видеосига жамланди.

Видео: https://youtu.be/KZWyyvHNxew

Eltuz.com

Тағин ўқинг
16 ноябр 2016
Туркиянинг Мерсин шаҳар маҳкамаси ўз фарзандини калтаклаган Гулчеҳра Исоқулова устидан очилган жиноят ишини кўриб чиқиб уни айбли деб топди ...
7 июл 2016
«Ҳуррият» газетаси Рамазон ҳайити муносабати билан эълон қилган «Эътиқод эркинлигининг тоза ҳавоси» сарлавҳали мақола юртимиз мўмин-мусулмонлари ҳайит намозини адо ...
16 ноябр 2015
Бу муаммо Ўзбекистоннинг қўшни Афғонистонга электр экспорт қилувчи ҳудудларни ҳам четлаб ўтаётгани йўқ. Ўзбекистондаги электр ўчиши билан боғлиқ азалий ...
10 апрел 2018
Канадада яшовчи Улуғбек Ашур шу бугунги кунда турли қора ишларга мажбурланаётган ўқитувчиларга атаб янги қўшиқ куйлади. «Элтуз» нашри студияси ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...