Видео
29 апрел 2017

Тошкент расмийлари Тату фестивалини тўхтатишди (видео)

24 апрел куни Тошкент шаҳар ҳокими топшириғига кўра тузилган комиссия пойтахтдаги «Like Bar» ёшлар ҳордиқ чиқариш клубига борди.

«Like Bar» пойтахтдаги алтернатив диддаги ўзбек ёшлари масканидир. У ерда 7 май куни 4-чи Халқаро Тату фестивали ўтиши керак эди.

Бироқ, клубнинг фейсбукдаги саҳифасида тадбир ташкилотчиларининг фестивал бўлмаслиги ва бунинг учун муҳлислардан узр сўрагани акс этган изоҳ пайдо бўлди.

Саҳифа модератори билан боғланган Элтуз мухбирига аён бўлишича, 24 апрел куни прокурор, милиция, доктор, оқсоқол ва ҳожи акалардан иборат комиссия клуб мутасаддилари билан суҳбат ўтказган.

Улар муайян ёшлар анъанасига айланиб улгурган фестивални ўзбек миллий мафкурасига зид дея топишган.

Уларнинг фикрича “Like Bar” клуби интерьери ва безаклари ўзбек ёшларининг онгини бузади.

Сўнгги бор «Like Bar» клуби Тату фестивалига 2016 йилнинг 16 апрелида ташкилотчилик қилган.

«Ундан илгариги фестивалларга бошқа клублар ҳомийлик қилган», деди Элтуз мухбирига «Like Bar» клуби вакили.

Ўз навбатида клуб эгалари фестивални тўхтатишга қарор беришган.

видео: https://youtu.be/CHjdmweVhZI

Eltuz.com

Тағин ўқинг
12 сентябр 2017
«Элтуз» нашрининг Фарғона вилоятидаги манбаларига кўра, туманларнинг узоқ ҳудудларида ўқитувчи, шифокор ва талабалардан таркиб топадиган терим отрядлари учун ётоқ ...
27 июл 2017
Телеканалдан ëшлар «ҳидини чиқариш» учун «бошлиқ» қилиб тайинланган халқ артисти Озодбек Назарбековнинг кетганлигини ҳар ким ҳар ҳил талқин қилмоқда. ...
23 октябр 2015
Карлови Вари ўзбек амалдорлари ва уларнинг бандитлари учун севимли маскан. 2015 йилнинг ёзи иссиқ келди. Собиқ бош ўзбек менти ...
15 декабр 2015
Бугун Остерсунд туман суди Обид Назаровга суиқасдда айбланган тошкентлик ёлланма қотил Юрий Жуковскийни 18 йилга озодликдан маҳрум қилиш ҳақида ...
Блоглар
22 январ 2018
Расмда кўраëтганингиз Сетра автобуси олдида селфига тушган Мақсад 52 ўзбекистон ватандошини сўнг манзилга элтган автобуснинг ...
18 январ 2018
18 январь куни Самара-Чимкент автойўлида ёниб кетган эски «Икарус» автобусида 52 нафар ўзбекистонликнинг ҳалок бўлиши ...
17 январ 2018
Ўтган йили турли даражадаги ҳокимларнинг зўравонлиги, сўконғичлари, қўл остидагиларга бўлган қўпол муомаласига оид хабарлар, ижтимоий ...