Видео
25 июн 2017

Дилобар Эркинзода: «Мендан судья Низом Рустамов 20 минг доллар пора сўраган»

Президент Мирзиёев 13 июн кунги чиқишида Ўзбекистон адлия тизимида авж олган порахўрлик муаммосини кўтарди.

«Прокуратуранинг 70 фоизини ишдан олиб ташладик, ҳали яна оламиз. Нега дегсангиз айрим ноинсофлар у ерга иллат ташлаб кетган, порахўрлик иллатини», деди Мирзиёев.

Бугунги кунда Швецияда яшаётган ўзбек фаоли Дилобар Эркинзода президент иддаоларини тасдиқлаб ўзи ҳам ҳаётида «шундай порахўр адолатсиз судьялар билан тўқнаш келганини» билдирди.

«Суд тергов жараёнидан ҳам баттарроқ бўлган, умуман фожиа билан тугаган бизнинг оиламиз учун», дейди у Элтуз мухбири билан суҳбатида.

2002 йили унинг акаси Искандар Худойберганов устидан тўрт ой давом этган судда Худойберганов ўлим жазосига ҳукм этилди.

Тошкент шаҳар жиноят ишлари бўйича суди судьяси Низом Рустамов, Дилобар Эркинзоданинг билдиришича, жазони 20 йилга алмаштириш учун 20 минг доллар пора сўраган.

«Бу пул ўша пайтда биз учун жуда катта пул эди. Бунинг устига у айтган уч кун ичида биз бу пулни ҳамма нарсамизни сотган тақдирда ҳам топа олмасдик» дейди Дилобар Эркинзода.

Шундан кейин у акасини ўлим жазосидан қутқариш учун тошкентлик ҳуқуқ фаоллари билан бирга кураш бошлайди.

Дилобар ва бошқа ўзбек фаоллари, халқаро жамоатчилик саъй ҳаракатлари натижасида Искандар Худойбергановга БМТ инсон ҳуқуқлари гуруҳининг Ўлим жазосига қарши мораторияси қўлланилди.

2008 йилга келиб эса Ўзбекистонда умуман ўлим жазоси бекор қилинди.

Жиноят кодексининг 14 та моддаси, жумладан давлат тузумига тажовуз қилишда айбланган Искандар Худойберганов, 2002 йилнинг ноябридан қамоқда қолмоқда.

Eltuz.com

Тағин ўқинг
2 май 2015
Бу бахслар НКВД- КГБ пропагандаси яратган заҳарли заминда ўсган мутант дарахтлар меваси каби туюлди менга. Мамлакатда на Чор мустамлакачиларига ...
1 октябр 2018
Сенат раиси Ниғматулла Йўлдошев парламент юқори палатасининг 27 сентябрь кунги йиғилишида вазирликлар Сенатга беписанд қараётганини билдирди. Адолат нуқтаи назаридан ...
27 ноябр 2017
Бош прокуратура ҳузуридаги департамент «Шаршара» савдо белгиси остидаги колбасалар эшак гўшти қўшилган ҳолда савдога чиқарилишининг олдини олганини маълум қилди. ...
8 январ 2016
Eltuz.com эътиборингизга 16 йил Каримов режими маҳкуми бўлган ўзбек адиби Мамадали Маҳмуд (Эврил Турон) билан суҳбатнинг 3 қисмини тақдим ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...