Cатира
7 сентябр 2017

Ўзбек томони тағин «Дўстлик» КППдан ўтишни чеклади

7 сентябр куни, «Дўстлик» КППнинг расмий очилишидан бир кун ўтиб, ўшлик ҳуқуқ ҳимоячиси Иззатулла Рахматуллаев чегаранинг яна ёпилгани ҳақида ёзди.

«Тамом. Кино тугади. Бугундан ўзбек томони тўй, ёки дафн маросимига телеграмма талаб қила бошлади. Халқни яна қанча калака қилиш мумкин», деб ёзди у «Элтуз» мухбирига.

«Мен эрталаб соат 9.30 да (чегарага) борсам, 500 дан ортиқ одам турибди. Ўзбекистон тараф аввалгидек телеграмма талаб килаяпти».

Иззатулла Рахматуллаев «Элтуз» мухбирига шунингдек, одамлар орасида эрталаб соат 5 дан Аравон, Қорасув, Новқат ва Ўзган туманларидан келиб навбат олганлари борлигини билдирди.

6 сентябр куни Ўш ва Андижон вилоятлари орасидаги участкада «Дўстлик» назорат пункти яна бир бор очилди.

Очилиш маросимида Қирғизистон ва Ўзбекистоннинг олиймақом мулозимлари қатнашган, чегарада тўпланган одамларнинг қувончли гулдурос қарсаклари остида икки қардош халқнинг дўстлиги ҳақидаги нутқлар ўқилганди.

Сўнгги йилларда «Дўстлик» КПП бир неча бор очилди, сўнг эса ўзбек томонидан ёпиб қўйилди. «Икки қардош халқлар»нинг чегарасидан ўтишга чеклов қўйилди ва ўтишга фақат тўй ёки дафн маросими ҳақидаги телеграмма билангина руҳсат бериладиган бўлди.

Сўнгги йилларда Каримов қўшни мамлакатлар билан муносабатларни бузишда ном чиқарди, бироқ Мирзиёев иқтидорга келиши билан муносабатлар яхшилана бошлади ва у ташриф билан Қирғизистонга ва Қозоғистонга борди.

«Каримов ҳаётлик чоғида қўшнилар билан муносабатни яхшилаш имконсиз бўлганмиди?» – дея савол билан юзланади рассом Туз.

PS: Ўшлик журналистларнинг хабар беришича, соат 13 ларда ўзбек чегарасини барибир очишган. Яна ёпилмаслигидан умид қиламиз.

Рассом Туз
Eltuz.com

Тағин ўқинг
29 май 2017
Ўзбекистоннинг кенгайиб бораётган яхна ичимликлар бозори, ўнлаб ўзаро рақобатдош ширкатларнинг тобора шиддатли жанг майдонига айланмоқда. Айни жараёнда «Smile Lux» ...
27 декабр 2017
«Элтуз» нашри МХХ раиси Рустам Иноятовнинг Австрияда яширилган мулкига оид видеони тақдим этади. Видео Open Source Investigations (OSI) гуруҳи ...
7 апрел 2016
«Халқ сўзи» газетаси яқин ойларда ўтказилиши мўлжалланган фуқаролар йиғинлари раислари ва уларнинг маслаҳатчиларини сайлаш тадбири Олий Мажлис Сенатининг жиддий ...
2 август 2018
Европада яшай бошлаганим қочқинликнинг ўнинчи йили якунланаркан, бугун илк бор ярим асрлик умрим ортига қарамоқчи бўлдим. Жўн маънода эса ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...