Блоглар
4 октябр 2017

Бобомурод Абдулла ҳимоясига жонли чиқишида ўзбек фаоли кўзига ёш олди

Швецияда яшаётган 36 яшар Дилобар Эркинзода 3 октябр куни барча ўзбек фаолларини қамалган блогер Бобомурод Абдулла ҳимоясига кенг акциялар бошлашга чақирди.

Фейсбукда жонли ёйинлар бошлаган Эркинзода блогернинг айбсизлиги, уни озод қилиш имкони борлиги ҳақида гапирди.

«Бу сўнгги имконият, биздан гина кудуратни йиғиштириб, журналистни озод қилиш учун якдил ва кенг миқёсда ҳаракат қилишимизни, петицияларга имзолар тўплашимизни тақозо этади» деди у.

Бундай истиқболга скептик қараётган бошқа ўзбеклардан фарқли, Эркинзода президентга ва халқаро ташкилотларга ёзиш йўли билан блогерни озод қилиш мумкин, деган фикрда.

Бунга у, 27 сентябр куни Бобомурод Абдуллаев билан бир кунда қамоққа олинган ёзувчи Нурулло Отахоновнинг ижтимоий тармоқда бошланган кенг ҳаракатлар боис қамоқдан чиқарилганини мисол келтиради.

«Бу кунлар» китоби учун 159-да айбланган Нурулло Отахонов Тоштурмага олиб кетилгач, Эркинзода доҳил фаоллар гуруҳи ижтимоий тармоқда уни озод қилиш учун мингга яқин имзо тўплашганди.

1 октябр куни ёзувчи қамоқдан чиқарилди. “Элтуз” мухбири билан суҳбатда у “бунчалик катта ҳаракатлар бошланиб кетишини кутмагани”ни билдирди.

Эркинзоданинг фикрича, бу икки ҳолат бир-бирига жуда ўхшаш.

«Фақат Отахонов китобини ўз номидан эълон қилди, журналист Бобомурод Усмон Ҳақназаров таҳаллусини қўллади», деди у.

Унинг фикрича, иккала ҳолатда ҳам эркин фикр учун инсонни шафқатсиз жазолашмоқчи.

«Жазога лойиқ нима қилди Бобомурод Абдуллаев? Айтинглар, қўша-қўша қасрлар қурдими, ёки миллион-миллион пулларни ўғирладими? Ёки мазлумларни қамоқларда қийнаб ўлдирдими, Конституцион тузумга тажовуз қилиб?» деди у ўз жонли ёйинида.

Эркинзода 159-да айбланадиган маҳкумга нисбатан терговда қандай қийноқлар қўлланиши мумкинлиги ҳақида гапираркан кўзига ёш олди.

«Ҳозир мен учун гапириш жудаям оғир тўғриси, ҳудди ўз яқинимни яна бир бора йўқотгандай бўлаяпман», деди у.

Гап шундаки, унинг акаси Искандар Худойберганов ҳам 2004 йили 159-модда Конституцион тузумга тажовуз қилишда айбланиб, аввал ўлим жазосига ҳукм қилинган.

Бироқ, узоқ давом этган фаоллар курашидан сўнг Ўзбекистонда ўлим жазоси бекор қилиниб, Худойбергановнинг жазоси 20 йил қамоққа алмаштирилган эди.

Eltuz.com

Тағин ўқинг
26 март 2016
Ўзбек ҳуқуқ ҳимоячиси, маҳкум Аъзам Фармоновнинг умр йўлдоши Озода Ёқубова 10 йилдан буён Тошкентдан 1500 км узоқдаги олис, экологик ...
22 феврал 2018
Дунёда энг узоқ муддат қамоқда бўлган журналист, 64 ёшли Муҳаммад Бекжон 22 февраль куни ўзининг фейсбук саҳифасида шундай ёзув ...
23 март 2018
2015 йилнинг 23 мартида давлат бошқарувининг коррупциядан холи шаклини яратган Сингапур лидери Ли Куан Ю 92 ёшида вафот этди. ...
13 ноябр 2015
Эзгулик фаришталари 21 йиллик қамоқдан юпун чиққан маҳкумга кийим элтаëтган бир пайтда СНБ ва МВД даги ëвузлар собиқ маҳбуснинг ...
Блоглар
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетаяпман. Қарасам, байрамона кийинган милиционерлар, байроқча ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. ...
20 апрел 2018
Коллеж ўқувчисини урган урганчлик ўқитувчи Зебо Нафасова 14 апрель куни ишдан бўшатилди. Унинг ишдан кетишига ...