Асосий мавзулар
7 ноябр 2017

Андижон вилояти мактаблари кичик синф ўқувчилари пахта теримига чиқмоқда

2017 йилнинг 3 ноябрида ҳуқуқ ҳимоячиси Елена Урлаева Андижон вилоятининг Балиқчи тумани пахта далаларида бўлиб, ўқитувчиларининг назорати остида пахта тераётган 11-12 ёшли болаларни кўрди.

Болалар Балиқчи туманидаги 1-мактабнинг 5-синф ўқувчилари бўлиб чиқди, улар ҳар куни мактабга 2-3 килограммдан пахта олиб келишлари керак.

Шунингдек, Елена Урлаева Улуғнор туманидаги 13-мактаб ўқувчиларини учратди, улар ҳам далада пахта тераётган эди. Ҳуқуқ ҳимоячиси айрим болалар пахта даласига чуқур зовур устидаги хатарли қўлбола кўприкдан ўтаётганини кўрди.

Шу куни соат 11 да Урлаева 13-мактаб ўқитувчиларининг елкаларига пахта териш учун етакларини ташлаб олган кичик синф ўқувчиларини пахта даласига олиб келаётганини кузатди.

Болалар ва ўқитувчилар пахта даласига яқинлашгач, Урлаева болаларга пахта териш тақиқланганини айтиб, қичқира бошлади. Шундан сўнг улар шошилиб далани тарк эта бошлади.

Халқаро меҳнат ташкилоти сўнгги йилларда Ўзбекистонда болалар меҳнатига йўл қўйилмаётганини таъкидламоқда. Ўзбек фаоллари эса бундай баёнотга ҳали эрталигини айтиб, уни нотўғри, деб ҳисобламоқда.

2017 йилги кузги дала ишларида болалар ва мажбурий меҳнат бўйича мустақил мониторинг натижалари маҳаллий ҳукуматнинг илгаригидек чопиқ ва пахта теримида ўқувчилардан фойдаланишини кўрсатмоқда. Ҳозирга қадар Ўзбекистондаги пахта секторида болалар меҳнатидан фойдаланилишига қарши бирор сезиларли жамоатчилик қаршилиги қайд этилгани йўқ.

Eltuz.com

Тағин ўқинг
13 июл 2018
Наманган муҳандислик технология институтининг собиқ домласи, талабалари томонидан калтакланганини айтаётган Сирожиддин Ашуров жиноятчилар тегишли жазони олишида президентдан нажот кутмоқда. ...
25 ноябр 2016
Сўнгги кунларда Ўзбекистон президентлигига номзодлар вилоятларга сайр қилиб, сайловчилар билан учрашувларни авж олдириб юборди. Бу учрашувларда эса улар қўлидан ...
14 июл 2016
«Миллий тикланиш» демократик партиясидан парламентга сайланган депутатлар ўн кунча ўз сайлов округларида бўлиб, сайловчилари билан учрашган. Бу учрашувларда улар ...
25 октябр 2017
23 октябр куни «Элтуз» нашрининг мобил мухбири жўнатган фотосуратда супурги кўтарган мактаб формасидаги бир гуруҳ мактаб ўқувчиларини кўриш мумкин. ...
Блоглар
16 август 2018
Дунёда энг узоқ муддат қамоқда ўтириб чиққан 64 ёшли журналист Муҳаммад Бекжон «Алвидо, Жаслиқ!» китобининг ...
3 август 2018
Бир пайтлар нефтбазадан бензин, солярка олиб чиқиб сотар эдик. Яширинча олиб чиқар эдик, ишчиларига пул ...
2 август 2018
Муҳаммад Бекжоннинг «Алвидо, Жаслиқ!» китобидан навбатдаги қисм 1999 йилги Тошкент портлашларининг асосий гувоҳи Зайниддин Асқаров ...