Асосий мавзулар
11 ноябр 2017

«Жаслиқ» маҳкумининг онаси ўғлини БМТ вакилидан яширишганини айтмоқда

Жиззахлик Маҳкам Жўраева 18 октябрь куни «Жаслиқ» қамоқхонасида жазо муддатини ўтаётган ўғли Фурқат Жўраевни кўргани борганида уни БМТнинг инсон ҳуқуқлари бўйича вакили Аҳмад Шаҳиддан яширишганини эшитганини билдирди.

Унинг айтишича, «Жаслиқ» колониясида бўлган жами 19 нафар маҳкум БМТ комиссияси келиши арафасида Тошкентга этап қилинган.

Жиззахлик 35 ёшли Фурқат Жўраев 2015 йилнинг 3 сентябрь куни вилоятнинг Пахтакор шаҳридаги бозор олдидан ниқобли кимсалар томонидан ўғирлаб кетилган эди.

Орадан бир кун ўтгач эса унинг дўстлари Арамаис Авакян, Бектемир Умрзоқов, Акмал Матмуродов ва Дилшод Алимов ҳам куппа-кундуз куни ниқоблилар томонидан ўғирланган ва орадан 40 кун ўтгач, бу бешовлоннинг Миллий хавфсизлик хизмати вилоят бошқармаси ҳибсхонасида сақланаётгани маълум бўлганди.

Ҳибсга олинганлар қисқа вақт ичида Ўзбекистон Жиноят кодексининг “Конституцион тузумга тажовуз”, “Қўпорувчилик”, “Тақиқланган ташкилотлар тузиш ва уларга аъзолик” каби оғир моддалари билан судга тортилганди.

Суд мажлисларида бу беш йигит айбловларни тан олмаган. Тергов даврида ўта ноинсоний қийноқларга тутилганликларини билдиришган. Суд уларни турли муддатларга озодликдан маҳрум қилганди.

Мазкур ишнинг ноинсоний қийноқлар билан ўтган тергов жараёни ва адолатсиз маҳкамаси “Арамаис Авакян иши” номи билан Америка ва Европадаги етакчи инсон ҳақлари ташкилотлари ва бир қатор сиёсатчиларнинг, шунингдек, дунё арманлари халқаро ташкилотларининг эътиборига тушди.

12 йиллик қамоқ жазосига ҳукм қилинган Фурқат Жўраев 2016 йилнинг 9 апрелидан буён Ўзбекистондаги энг оғир шароитли “Жаслиқ” қамоқхонасида жазо муддатини ўтаяпти.

Ўғлининг ноҳақ айбланганлигини исботлаш учун икки йил давомида ҳаракат қилиб келаётган она унинг «Жаслиқ» қамоқхонасида ҳам муттасил қийноққа солинганини айтади.

Маҳкам Жўраеванинг сўзларига кўра, қийноқлар туфайли ўғли жиддий жисмоний жароҳатлар олган.

Маҳкам Жўраева қамоқдаги ўғлининг ҳаёти хавф остида эканини айтар экан, видеомурожаатида Ўзбекистон президенти Шавкат Мирзиёевдан ноҳақ қамалганлар қаторида ўғли Фурқат Жўраевнинг ҳам озод этилишини илтимос қилади.

Улуғбек Ашур
Eltuz.com

Тағин ўқинг
13 май 2016
Кино кўришни севаман. Айниқса фантастик трагикомедия жанридаги киноларни. Кеча Роман Артемьев суратга олган “Человек из будущего” деган кинони кўрдим. ...
11 март 2016
7 ва 8 март кунлари жахоннинг кўзга кўринган пахта саноати корхоналари вакиллари, олимлар, сиёсатчилар, таниқли хуқуқбонлар ва журналистлар иштирокида ...
13 июн 2017
Давлат идоралари корпоратив базмларида хонандалар хизматидан бепул фойдаланилиши ҳақидаги Ўзбекистон халқ артисти Озодбек Назарбеков шикояти турли бахсларга сабаб бўлди. ...
28 сентябр 2017
Андижон шаҳрида, маҳалла фаоллари газ баллон бериш ваъдаси билан одамларни пахта теримига жалб қилишмоқда. «Элтуз» мухбирига кўра, Андижон шаҳридаги ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...