Асосий мавзулар
16 ноябр 2017

Хотинини «ўрис динига ўтгани учун» пичоқлаган ўзбек қамоққа олинди

Бошқа динга кирганликда айблаб, хотинини пичоқлаган сайрамлик 34 ёшли Хайрулло Норметов 14 ноябрь куни ҳибсга олинди. Суд ҳукми чиққунига қадар эҳтиёт чораси сифатида унга 2 ойлик қамоқ белгиланди.

Воқеани ўрганган Қозоғистон матбуотига кўра, пичоқланган ҳолда кўчадан топилган Умида Норметова оғир аҳволда касалхонага келтирилган ва ҳаёти сақлаб қолинган.

13 ноябрда «Элтуз» нашри Норметовнинг Ватсап орқали тарқатган видеосини эълон қилган эди. Видеода у «ўрис динига кириб кетгани учун» хотинининг қорнига пичоқ тиққанини иддао қилган эди.

«Исломда дин хоини – Ватаннинг жуда-жуда катта хоини! Ҳақиқий эркак!» дея баҳолади воқеани, жумладан, фейсбукнинг Astanov Tulkun исмли юзери.

Бироқ пичоқланган аёлнинг онаси Сандиқиз Жақсибоева қизининг ислом динида бўлганини таъкидламоқда.

Пичоқланган аёлнинг бир жияни ҳам аммасининг беш вақт намоз ўқигани ва икки боласи билан 11 йил эрининг калтакларига чидаб яшаб келганини айтди.

«Поччамнинг ўзи бошқа оқимга кириб кетган», дейди у.

Норметовнинг онаси Жамила Норметова эса ўғлини шу аҳволга туширган келини ва қайнонаси эканини билдиради.

Қозоғистон матбуотига кўра, Норметов 12 ноябрь куни хотинининг изидан пойлаб бориб, уни кўчада пичоқлаган ва воқеа жойида ташлаб кетган. Воқеадан тўрт кун бурун унинг хотини Умида Норметова болаларини олиб, онасиникига кетиб қолган.

Eltuz.com

Тағин ўқинг
9 сентябр 2016
Мустақил матбуотда ва ижтимоий тармоқда Каримовнинг ножоиз жойга дафн этилгани, зудлик билан мақбара қуриш учун 120 тача мозор бузилгани ...
4 июн 2018
Солиқ қўмитаси раиси Ботир Парпиевнинг ишдан олиниши унга алоқадор кимсаларни кемадан қочишга уринаётган каламушларга айлантирган кўринади. Қудратли солиқчининг катта-катта ...
2 ноябр 2016
Ўзбекистон Ҳуқуқ ҳимоячилари альянси (ЎҲА) тарқатган матбуот хабарига кўра 2016 йилнинг 1 ноябри куни Бўка шаҳар Халқ таълими бўлими ...
26 март 2018
Президент Мирзиёев 23 март кунги йиғилишда матбуотни мақтамасликка, бор ҳақиқатни кўрсатишга чақирди. «Мақтаманглар. Мақтайдиган даврлар ўтиб бўлган. Раислар билан ...
Блоглар
22 октябр 2018
Яқин кунларда Ўзбекистонда қимматчилик бошланиши ҳақида аҳоли ўртасида шу кунларда анча кенг тарқалган хавотирнинг асоссиз ...
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...