Асосий мавзулар
5 январ 2018

OSI: Иноятовларнинг Россиядаги бизнеси (видео)

Очиқ манбалар асосида суриштирув олиб борувчи Open source investigations журналистик гуруҳи, 29 декабр куни Шариф Иноятовнинг Россиядаги йирик бизнесига оид маълумотларни эълон қилди.

Шариф Иноятов Россиядаги Uzgardens улгуржи савдо ширкатининг юз фоиз улуши эгасидир.

Шариф Иноятов, Ўзбекистондаги қудратли МХХ раиси, бу идорани 22 йилдан буён бошқариб келаётган Рустам Иноятовнинг ўғлидир.

Uzgardens – Россиянинг Ўзбекистондан мева сабзавот етказиб беришга ихтисослашган йирик ширкатидир.

Иноятовлар Компанияси Gold Dried Fruits Exportнинг Россиядаги эксклюзив импортери ва дистрибьютори саналади. GDF Export эса Ўзбекистондаги йирик қуруқ мева ва сабзавот ишлаб чиқарувчи тармоқдир.

Мақолада тасдиқланишича, Рустам Иноятов нафақат генерал-полковник, балки мансабидан оиласини бойитишда фойдаланувчи олигарх ҳамдир.

Ўзбекистон собиқ Совет Иттифоқининг йирик мева сабзавот экспортеридир. У Эрон ва Тожикистон билан биргаликда Россия импортининг 80 фоизини таъминлаб келади.

2012 йили, Европа Иттифоқи ва бошқа давлатлар Россияга мева-сабзавот ипрортини тўхтатгач, Тошкентда Gold Dried Fruits Exports номи остида кампания ташкил қилинган эди.

Кампаниядан кўзланган мақсад ўзбек мева сабзавотининг Россия бозоридаги рақобатбардошлигини ошириш бўлган.

Бир йил ўтиб, 2013 йили, 7 гектар майдонда, кунига 120 тонна мева ва сабзавотни қайта ишлашга мўлжалланган улкан завод қурилади.

Шариф Иноятовга тегишли GDF Export фабрикаси тезгина Ўзбекистондан қуруқ мева ва сабзавот етказиб берувчи улкан корхонага айланади. Унинг 95 фоиз махсулоти МДХ давлатларига ва асосан Россияга экспорт қилинади.

2015 йилнинг 3 июнида Шариф Рустамович Иноятов, «Мева сабзавот савдоси»га мўлжалланган Россиянинг чекланган масъулиятли ширкати бўлган UZGARDENSга асос солади.

Ширкат акционери сифатида Рустам Иноятовнинг ўғли Uzgardensнинг мутлақ эгасидир. Ширкат сайти, жумладан шу йилнинг 6 октябрида Uzgardens ширкатининг Тошкентдаги офисига Чеченистон рахбари Рамзан Қодиров ташрифи ҳақида ёзган.

ОSИ суриштирув гуруҳи, Ўзбекистон махфий хизмати генералининг ўғли Москвадан ташқари Тула ва Венанинг Зальцбург шаҳарларига ҳам сармоя киритгани ҳақида ёзди.

Масалан, Тула шаҳридаги «Воловский комбикорм заводи»нинг 30 фоиз улуши ҳам Шариф Иноятовга тегишли. Шариф Иноятовнинг Заводдаги ҳамкорлари, Рашид Дашлакиев, Равшан Убайдуллаев ва Бахтиёр Фозиловлардир.

Иноятовларга қарашли Венадаги Benif Handels ширкатига ётқизилган сармояларни эса OSI бундан олдинги суриштирувида очиқлаганди.

Видео: https://youtu.be/TPxfroBIm9k

Eltuz.com

Тағин ўқинг
29 август 2016
Ўзбекистонни 27 йил давомида шафқатсизлик ва қонунга хилоф равишда бошқарган авторитар президент Ислом Каримов 78 ёшида ўлди. Бу ҳақда ...
16 октябр 2017
16 октябр куни журналист Бобомурод Абдулланинг онаси Давлат адвокати Шаҳзод Шариповга 300 минг сўм пул тўлагани ҳақида Ўзбекистон мустақил ...
19 декабр 2016
Анқарадаги замонавий санъат галереясида рус фотосуратчиларининг «Россия турклар нигоҳида» кўргазмасининг очилиш маросимида ваъз ўқиëтган Россиянинг Туркиядаги элчиси Андрей Карлов ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. Хабарларга кўра, мактабларга турникет ...
Блоглар
24 апрел 2018
Туркманистон президенти Гурбангули Бердимуҳамедовнинг Ўзбекистонга ташрифи муносабати билан 24 апрель куни Хоразм вилоятида минглаб талаба ...
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. ...