ART-DURBIN
27 январ 2018

Имом Бухорий фильми муаллифига Ўзбекистон ватандошлиги берилди

“Имом ал-Бухорий” ва “Буюк Амир Темур” каби фильмларни суратга олган таниқли киночи Бақо Содиқов президент фармони билан Ўзбекистон ватандоши бўлди.

76 яшар Содиқов яқинларининг “Элтуз” мухбирига айтишича, киночига паспорт 26 январь куни топширилган. Ўша куни Бақоев дохил 26 кишига Ўзбекистон ватандошлиги берилди.

Бақо Содиқов 1941 йил 13 июлда Ўзбекистоннинг Бухоро вилоятида туғилган.

Совет давридаëқ кўпгина кинолар суратга олган Бақо Содиқов 1993 йилдан бери Ўзбекистонда фуқаролиги йўқ шахс сифатида яшаб келади.

Тошкент театр ва рассомлик институтини тугатган Содиқовнинг 1977 йили суратга олган “Адонис – XIV” фильми 1986 йилда Берлин кинофестивали бош совринини олган эди. Фильм қўйларни қассобхонага етаклаб бориб, ўзи қутулиб қоладиган така ҳақида ҳикоя қилади. Синчиларга кўра, фильм КГБ чақимчилари ҳақида мажоз тили билан ҳикоя қилган.

Тошкент киномактаби вакили бўлган Бақо Содиқов бир муддат “Тожикфильм” студиясида фаолият кўрсатди. Тожикистон ССР санъат арбоби ва Рудакий мукофотларига сазовор бўлди.

Тўқсонинчи йилларда Тожикистонда юз берган уруш даврида Бақоев бир тарафдан миллатчилар иккинчи тарафдан диний экстремистлар нафратига нишон бўлди. Бунинг ортидан Содиқов Ўзбекистонга қайтиб ижод қилишни маъқул кўрди.

Бақо Содиқов ўзбекистонлик ва қозоғистонлик кинематографлар билан ҳамкорликда бир нечта фильмлар суратга олган. Бу фильмлар орасида “Жосус”, “Орол”, “Имом ал-Бухорий” ва “Буюк Амир Темур” фильмлари бор.

Акмал Ризаев
Eltuz.com

Тағин ўқинг
15 декабр 2020
Ижтимоий тармоқларда Бухоро шаҳри прокурори Жасур Фозиловнинг президент Шавкат Мирзиёевга йўллаган видеомурожаати тарқалди. Прокурор бир соатдан ошиқроқ вақт давом этган мурожаатида ўзига ...
29 апрел 2019
Ўзбекистондаги «Вақф» хайрия жамоат фонди раиси Искандар Халилов хизмат машинаси сифатида миниб юрган «Малибу-2» автомобили тармоқларда баҳс уйғотди. “Вақф” ...
17 май 2017
Андижон вилояти Шаҳрихон шаҳри ва туманида 15 май куни юзлаб беморлар заҳарланиш ташхиси билан касалхонага ëтқизилган. Озодлик радиоси маълумотига ...
17 март 2021
Бахтиқаро, шўртумшуқ Олий Мажлисимизнинг ягона шоввоз адекват депутати бўлиб кўринган Расул Кушербоев йўл ҳаракати қоидаларини бузганлар тўғрисида хабар берган, ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...