Cатира
5 феврал 2018

Москва Иноятов кўзёшларига ишондими? (видео)

МХХ раиси Рустам Иноятов ўз дахлсизлигини Москва орқали олгани ҳақида «Эрк» партияси раиси Муҳаммад Солиҳ ўз манбаларига таяниб билдирди.

У, шунингдек, Иноятовнинг истеъфога чиққан куниёқ Москвага учиб кетгани, Россия Федерал хавфсизлик хизмати раҳбари Бортниковдан паноҳ сўрагани, у ерда ўзи ва яқинларига Мирзиёевдан дахлсизлик берилишини савдолашгани ҳақида «Элтуз» мухбирига интервью берди.

Ишдан кетиши билан унинг аввалига президент маслаҳатчиси, кейинчалик эса сирли бир тарзда сенаторликка «сайланиши» рус матбуоти назаридан ҳам четда қолмади.

Айрим нашрлар МХХ раиси Рустам Иноятовнинг ишдан кетишини НКВД раҳбари Бериянинг истеъфоси билан тенглаштирди.

«Берия билан таққослаш – бу шунчаки метафора эмас. Ўз раислиги даврида Иноятов МХХни мутлақо НКВДга лойиқ идорага айлантирди», дея ёзди Москвада чиқадиган «Новая газета«.

«Фарғона» нашри президент Мирзиёев Иноятовни жазолашга ҳали тайёр эмаслиги ҳақида ёзди. «Asiaterra» нашри эса МХХни Рустам Иноятов учун мустаҳкам зирҳли «қора қути»га қиёслади.

31 январь куни МХХ раиси Рустам Расулович Иноятов ишдан бўшатилгани ва Мирзиёевнинг МХХни танқид қилгани ҳақида «Ўзбекистон 24» каналида кўрсатув ҳам берилди.

МХХ раиси лавозимига шу вақтгача Ўзбекистон Бош прокурори бўлган Ихтиёр Абдуллаев тайинланди.

23 йилдан бери МХХ раиси лавозимида ишлаб келаётган Рустам Иноятовнинг бўшатилиши Ўзбекистон президенти Шавкат Мирзиёевнинг МХХни очиқ танқид қилгани ортидан юз берди.

Рассом Кирпи Иноятовни ҳимоя истаб Россия КГБ мулозими қўйнига отилган ўзга мамлакат генерали сифатида акс эттирди.

Рассом Кирпи
Eltuz.com

Тағин ўқинг
8 декабр 2016
Ўзбекистон халқ артисти Юлдуз Усмонова Ўзбекистон конституцияси байрамида «ҳамроз» қўшиғини ижро қилди. Кейинги 9 йил давомида Усмонова катта саҳнадан ...
23 январ 2017
«Кеча Мирзиёев. Ш.М кетиши билан 3 кундан бери ўчмай турган чироқлар бошлади ўчишни» дея ёзди тўрткўллик шифокор Алимардон Султонов. ...
8 январ 2017
“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди», дея ёзди ...
13 декабр 2017
12 декабрь куни Халқаро меҳнат ташкилоти (ХМТ) Ўзбекистонда ҳукуматнинг мажбурий меҳнатни тугатиш чораларини кўргани ҳақида баёнот берди. ХМТ сайтидаги ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...