Асосий мавзулар
13 март 2018

«Озодлик» радиосига таҳдид қилган имом диний идора назоратига олинди

Тошкентнинг Мирза Юсуф масжиди имоми Раҳматулло Сайфуддиновга 9 март куни «Озодлик» радиосини лаънатлаб, унга «жаноза ўқигани» ортидан Вазирлар Маҳкамасининг Дин ишлари қўмитаси томонидан огоҳлантириш берилди.

Ўзини психогенетика мутахассиси санаган имомнинг радио журналистларига таҳдиди «Озодлик»нинг 65 йиллиги санасига тўғри келди.

«Озодлик»нинг ўзбек хизмати директори Алишер Сиддиқов 65 йиллик тарихида радио касб тамойилларига амал қилишга интилиб келаётгани ва айни материалда ҳам холисликка тўла риоя қилинганини айтди.

Имомнинг журналистларни ҳақорат қилишига унинг фейсбукда тарқалган «хотинлар жинсий алоқа пайтида эри эмас, турк сериалларидаги чиройли эркакни хаëлига келтирса, бундай аёллардан «ҳаворанг (гей) болалар» туғилади”, деган фикридан иқтибос келтирилиши сабаб бўлган эди.

«Элтуз» мухбири 12 март куни Дин ишлари қўмитаси масжидлар бўлими ходими билан телефонда боғланди ва журналистларга таҳдид қилган имом диний идора назоратига олинганини аниқлади.

Маълум бўлишича, Сайфуддинов жума куни қилган маъруза тафтиш учун экспертизага берилган, ўзи эса Вазирлар Маҳкамаси ҳузуридаги дин ишлари идораси тарафидан огоҳлантирилган.

Имом «турк сериаллари»га қарши 2 март кунги чиқишида гапирган эди.

9 март кунги маърузасида эса у «турк сериаллари» ҳақида гапирмаганини айтиб, унинг фикридан иқтибос келтирган журналистларни 7-асрда яшаб ўтган бир арабнинг набираларидир, деб атади.

«Мен очиқ-ойдин айтаман, «Озодлик» Убай ибни Салул бошчилигидаги ўша мунофиқларнинг неваралари!» дейди у.

Шундан сўнг 17 минутлик маърузасида имом радио устидан “жаноза» намозини ўқигани ҳақида баёнот беради.

Бундан илгари эркакларнинг гинекология билан шуғулланишга ҳақи йўқлиги иддаоси билан машҳур бўлган имом бу сафар ўзини психогенетика мутахассиси ҳам деб атади.

«Психогенетика – бу янги фан. Ўзим мен бу фанни ўқияпман, бунда мен мутахассисман», деди Сайфуддинов.

Имомнинг «турк сериалларни кўриб, чиройли эркакларни тасаввур қилган аёллардан «ҳаворанг» болалар туғилади», деган фикри юзасидан «Элтуз» нашрига интервью берган канадалик ўзбек ҳуқуқшуноси Дилсора Фозилова буни илмсизликдан бошқа нарса эмас, дея ҳисоблашини билдирди.

Ҳуқуқшуноснинг фикрича, бугун имомларнинг ижтимоий тармоқлар орқали бу гапларни тарқатиши кулгилидир.

Eltuz.com

Тағин ўқинг
8 март 2016
Ўзбекистонда чиқаётган газеталар саҳифасига «юксак ислоҳотлар самараси» сифатида оналар ўлими камайгани, коллеж битирувчиларининг уй ишларига «банд» қилинаётгани, ўзбек ҳукуматининг ...
30 октябр 2017
Марҳум президент Ислом Каримов замонида жиноий жавобгарликка тортилган жуда кўп амалдорлар амалдаги давлат раҳбари даврига келиб юксак лавозимларга тайинланмоқда. ...
21 декабр 2018
Қалин курткалар, қулоқчинлар кийиб, смартфон ёруғида турган бу одамлар – Наманган мусиқали драма актёрлари. «Элтуз»га ушбу суратни жўнатган мухлисга ...
22 ноябр 2021
Британиялик таниқли фотограф Рип Хопкинс (Rip Hopkins) фотообъективида акс этган Ўзбеккистон туризм ширкатлари чоп қилган буклетлардан фарқ қилади. 10 ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...