Асосий мавзулар
14 март 2018

Шодиевнинг қамалиши собиқ маҳкумни севинтирди

ИИВ Жазони ижро этиш бош бошқармаси собиқ бошлиғи, 56 ёшли полковник Абдукарим Шодиев 9 март куни ҳибсга олинди.

«Эрк» демократик партияси фаоли ва собиқ сиёсий маҳкум Аъзам Турғунов «Элтуз» мухбирига полковник Шодиев инсон ҳуқуқларини бузиб келган шахс сифатида аллақачон қамалиши кераклигини билдирди.

«Фаолиятимга кўра, қамалишимдан олдин 2005-2007 йилларда маҳкумларнинг ишлари юзасидан бу шахс билан кўп учрашганман», деди собиқ маҳкум.

Шодиевнинг ҳибсга олингани ҳақида хабар тарқатган ҳуқуқ фаоли Суръат Икромовга кўра, ички ишлар вазирининг собиқ ўринбосари, лақаби «жаллод» (палач) бўлган Шодиев «ҳокимиятни суиистеъмол қилиш ёки ҳокимиятнинг ҳаракатсизлиги» ва «айбсиз шахсни жавобгарликка тортиш» билан айбланмоқда.

Суръат Икромовнинг Жазони ижро этиш бош бошқармасидаги манбасига таяниб «Элтуз» нашрига билдиришича, 9 мартдан бошлаб бошқарма бошлиғи ўринбосари Эркин Бобоқулов ҳам ишга чиқмаяпти ва унинг ҳам ҳибсга олингани тахмин қилинмоқда.

Илгари «Элтуз» нашри хабар қилганидек, сиёсий маҳбусларни ўлдириб йўқ қилишда айбланаётган МХХ полковниги Тоймуроз Алимов ўз жиноятларини Шодиев билан шерикликда қилгани турли мустақил манбалар томонидан билдирилмоқда.

Ҳуқуқ фаоли Аъзам Турғунов «Элтуз» мухбирига Шодиевнинг бир қанча қариндошлари ҳам унга шерик эканлигини айтди.

«Масалан, Абдукаримнинг бир жияни ўша Жазони ижро этиш бош бошқармасида озиқ-овқат тарқатиш бўлими бошлиғи бўлиб ишлаган. Маҳбуслар билади-ку, озиқ-овқатдан қанча уриб қолишлари, уларга қанча иш ҳақи белгилангану қанчадан ёзилишини.

Булар 10 йил-20 йиллаб давлатни ўпириб келишди, ҳеч ким индамади», дейди собиқ махбус «Элтуз» нашрига берган интервьюсида.

Ўзбекистонлик фаол Аъзам Турғунов ноҳақ айбловлар билан қамоқда 10 йил ўтириб, 2017 йилнинг октябрида озод этилган эди.

Eltuz.com

Тағин ўқинг
17 сентябр 2018
Икки жанжал ортидан ижтимоий тармоқ қаҳрамонига айланган Шерзод Қудратхўжаев 17 сентябрь куни танқидларга жавоб берди. У рус аёлига: «Уят! ...
24 январ 2017
«Ҳуррият» газетаси (18.01.) янги президентнинг сўнгги вақтлардаги чиқишларидан илҳомланиб, «Чапани чапдан турганда» (рукннинг номи) нималарни айтиб юбориши мумкинлигини ҳукуматга ...
31 август 2018
Тошкентнинг Шайонтовур туман Маъмурий суди, 30 август куни таниқли ҳуқуқ ҳимоячиси, 67 яшар, Аъзам Турғуновни «ҳокимиятга бўйсунмаганлик»да айблаб бир ...
23 март 2018
Президент Мирзиёевнинг Самарқандга ташрифи олдидан йўл чеккаларига ўрнатилган иссиқхоналар расмлари ва видеотасвирлари ижтимоий тармоқда тарқалди. Хўжакўрсинга қурилган иссиқхоналарнинг ичи ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...