Асосий мавзулар
30 март 2018

Қизил дафтар билан урилган болакайлар видеоси тарқалди

Ижтимоий тармоқда 30 март куни боғча болаларини ураётган ўзбек тарбиячиси акс этган навбатдаги видео тарқалди. «Элтуз» нашрининг ўрганишича, бу муассаса Жиззах шаҳрининг Заргарлик маҳалласидаги «Наврўз» номли 39-боғча бўлиб, болаларни урган тарбиячининг исми Моҳирадир.

Фейсбук ва инстаграм саҳифаларида тарқалган, «Элтуз» нашрига ҳам етиб келган видеода боғча тарбиячиси қўлидаги қалин қизил дафтар билан болаларнинг юзига, елкасига, кетига уради.

«Ўт жойингга!» деган таҳдид билан болаларни ураркан, аёл чеккада ўтирган болани қулоғидан ушлаб, хонанинг бошқа бурчагидаги курсигача етаклаб олиб боради.

Ўзбекистондаги таълим-тарбия муассасаларидаги болаларга нисбатан шафқатсиз муносабат акс этган бу каби видеолар илгари ҳам тарқалганди.

Масалан, ўтган 2017 йилнинг 2 мартида тармоқда пайдо бўлган видеода қўлига катта пичоқ ушлаган сурхондарёлик боғча тарбиячиси ёш боланинг иштонини ечиб, унинг «тилини ва чуккини кесиб олиш» билан таҳдид қилади.

Ушбу видеодаги бошқа бир тарбиячи аёл эса бу ҳолни кулиб кузатиб, боғчадаги ҳолат ҳақида ота-онасига гапирган болаларни жазолаш учун навбат билан пичоқ кўтарган аёл олдига олиб келади…

Кейинчалик «Элтуз»га маълум бўлишича, таҳқирланган болалар дудуқ ва сийғоқ бўлиб қолишган.

Ўша йилнинг 16 мартида пайдо бўлган бошқа бир видеода эса Фарғона вилоятидаги бошланғич синф ўқитувчисининг вояга етмаган болаларни ўқув қуроли билан ургани ва ҳақоратлаётгани акс этган.

Кейинчалик «Элтуз»га бу видеони ўша синфда амалиёт ўтаётган талаба суратга олиб тарқатгани, ўқитувчи аёлнинг «намунали дарси» барбод бўлгани боис ўқувчилардан қасд олгани маълум бўлган эди.

Бу видеолар тарқалгач, боғча болаларини «пичоқ» билан қўрқитган сурхондарёлик тарбиячи аёлга чора кўрилди. Бошланғич синф ўқувчиларини китоб билан урган фарғоналик муаллима ишдан ҳайдалди.

Воқеалардан кейин кўп ўтмай, 30 сентябрь куни президент Шавкат Мирзиёев ҳатто Мактабгача таълим вазирлигини тузиш ҳақида алоҳида фармонни ҳам имзолади.

Фармонга кўра, бу вазирлик мактабгача таълим соҳасида рақобат муҳитини яратиши ва мавжуд бошқа кўплаб муаммоларни бартараф қилиши керак.

Бироқ Жиззахдаги болалар боғчасидан олинган сўнгги видео Ўзбекистон таълим-тарбия муассасаларида болаларга нисбатан шафқатсиз муносабат ҳамон эскича давом этаётганини кўрсатмоқда.

Eltuz.com

Тағин ўқинг
22 июн 2016
Истанбулнинг Бақиркўй туманидаги саккизинчи оғир жазо маҳкамасида давом этаëтган суд жараëнида қотиллик ташкилотчиси дея кўрилган Собир Шукуров ва қатлни ...
26 сентябр 2016
«Кун.ўз» сайти банклардан ҳатто ташкилотлар ҳам маош учун нақд пул олишда муаммоларга дуч келаётганини ёзди. Ўзбек матбуотидаги бу каби ...
18 декабр 2017
«Пахтага борасан, дейишди. Агар бормасанг, аризангни ёз ёки ўрнингга одам жўнат, дейишди. Ўзимизнинг ишимиз қолиб, бир ойдан кўп пахта ...
3 апрел 2017
Ой охирлаётган кунларда президент видеоселектор мажлис ўтказди. «Кун.ўз» сайти ўз манбаларига асоcланиб, давлат раҳбари бу мажлисда «Ўзбекистон» ва «Ёшлар» ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...