Cатира
4 апрел 2018

Ўпишганларни пойлаган ТВ журналистларига дакки берилди

3 апрель куни Ўзбекистон Адлия вазирлиги «Mенинг юртим» телеканалини халқаро ва маҳаллий қонунчилик меъёрларини бузганлиги ҳақида расмий огоҳлантирди.

Телеканалга дакки берилишига 1 апрель куни эфирга узатилган, ёшларнинг истироҳат боғларида қўл ушлашиб юргани, ўпишгани қораланган «Яширин камера» кўрсатуви сабаб бўлди.

Ўзбек журналистларининг ўзини тутиши машҳур «Флейта учун унутилган куй» фильми қаҳрамонлари ҳаракатига менгзайди.

Кўрсатувда одамларнинг шахсий ҳаётига дахл қилингани ҳақида «Элтуз» нашри 2 апрель куни хабар берган эди.

Адлия вазирлиги бошқармасининг ижтимоий тармоқ орқали «Элтуз» нашрига етиб келган хатида, жумладан, кўрсатувда Инсон ҳуқуқлари умумжаҳон декларациясининг 12-моддаси бузилгани қайд этилади.

Ушбу норма, вазирликка кўра, республика миллий қонунчилигига тўлиқ имплементация қилинган.

Шунингдек, мактубда Конституция бандларига кўра, «ҳар кимнинг эркинлик ва шахсий дахлсизлиги, шахсий ҳаëтига аралашишдан ҳимояланиш ҳуқуқи кафолатлангани” таъкидланади.

Телеканал раҳбариятига “Ахборот эркинлиги принциплари ва кафолатлари тўғрисида”ги қонун моддаларига асосан, «жисмоний шахсларнинг розилигисиз уларнинг шахсий ҳаëтига тааллуқли ахборотдан фойдаланилиши»га йўл қўйилмаслиги эслатилади.

“Журналистик фаолиятни ҳимоя қилиш тўғрисида”ги қонун моддаларига кўра, «шахснинг ҳуқуқ ва эркинликларини ҳурмат қилиш шарт”лиги уқтирилади.

Нодавлат радиотелеканаллар хартияси ва Ўзбекистон Электрон оммавий ахборот воситалари миллий ассоциацияси ахлоқ кодексидан иқтибос келтириб, вазирлик «телерадиокўрсатувларни оммага узатишда рухсат этилган чегарани ва касбий этикани эътиборга олиши» кераклигини журналистларга эслатади.

2 апрель куни «Элтуз» нашри чоп этган мақолада «Яширин камера» кўрсатуви бошловчисининг ёшларга нисбатан ҳаракати юзасидан ижтимоий тармоқ юзерлари фикрлари ёритилганди.

Кўрсатувда унинг бошловчиси 22 яшар Бадриддин Ҳусниддинов ёшлар олдига камера билан қўққисдан бориб сўроққа тутади.

Тошкентлик блогер Хуршид Йўлдошев ва ижтимоий тармоқларнинг бошқа юзерлари «Элтуз» нашрига берган изоҳларида бу ҳолатни шахсий ҳаётга аралашиш дея баҳолашган эди.

Eltuz.com

Тағин ўқинг
22 январ 2018
Расмда кўраëтганингиз «Сетра» автобуси олдида селфига тушган Мақсад Ўзбекистоннинг 52 ватандошини сўнгги манзилга элтган автобуснинг тирик қолган ҳайдовчиси. Бу ...
13 октябр 2020
Президентнинг куëвлари бир-бири билан низолашмоқда. Президентнинг хотини Зироат Ҳошимова эса Иноятов назоратида. Бу иддаолар устига қурилган тахминлар бугунги кўрсатувда. ...
26 декабр 2016
25 декабр куни швед полициясидан ўзининг депорт қилингани ҳақидаги хабарни эшитган 34 ёшли Жавлон Мухсинов қўллари ва қорнини тиғ ...
2 декабр 2020
1 декабрдан Ўзбекистонда ҳукуматнинг “Аҳолининг соғлом турмуш тарзини қўллаб-қувватлаш ва жисмоний фаоллигини оширишга доир қўшимча чора-тадбирлар тўғрисида”ги қарорига асосан, ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...