Асосий мавзулар
10 май 2018

OSI: Иноятовларнинг Россиядаги яна бир йирик сармояси очиқланди

Очиқ манбалар бўйича суриштирув ўтказувчи Open Source Investigations (OSI) журналистлар гуруҳи Иноятовлар оиласининг навбатдаги йирик сармоясини топди.

Иноятовлар оиласи Нева дарёсининг ўнг қирғоғида, 109 уйдан иборат қурилиш мажмуасига улкан сармоя ётқизмоқда

Санкт-Петербургдан 30 дақиқалик йўлда жойлашган «Невская усадьба» дея номланган бу қурилиш комплекси Рустам Иноятовнинг ўғли Шариф Иноятов бошқарувидаги Metkem ширкатига қарашлидир.

Бундан илгари Иноятовларнинг Австрия, Дубай ва Россиядаги беҳисоб мулклари ҳақида «Элтуз» нашри ҳикоя қилган эди.

МХХдагиларнинг бизнесменларга қарши сохта жиноят ишлари уйдириб келгани маълум. Бироқ бу ёпиқ хизмат ходимларининг ўзлари коррупционер бўлишган ва иш уйдирилган шахслардан бойлик орттириб келишган.

OSI суриштирув гуруҳига кўра, Россиянинг Санкт-Петербургда жойлашган йирик Metkem ширкати Ўзбекистон Миллий ҳавфсизлик хизмати собиқ раиси Рустам Иноятов оиласи томонидан назорат қилинади.

Metkem Санкт-Петербургда жойлашган Neva Alyans Grupp га тегишли бўлиб, бу ширкатга ҳам МХХ собиқ раисининг ўғли Шариф Иноятов 25 фоиз улуши бўлган икки шериги – Равшан Убайдуллаев ва Бахтиёр Фозилов билан бирга эгалик қилади.

Metkem ва Neva Alyans Grupp штаб квартираси Санкт-Петербургда, Нева проспектидаги 104-а уйда жойлашган.

7 миллион АҚШ доллари (400 миллион рубль) низомий сармоя билан қайд этилган Metkem йирик қурилиш ташкилоти ва девелопери саналади.

Кам қаватли уйлардан ташкил топган «Невская усадьба» лойиҳасини Metkem ширкати ишлаб чиққан. 109 та икки қаватли ва мансардли 6-12 хонали уйлардан ташкил топган бу қурилишлар 2016 йили бошланган.

Умумий майдони 36 гектар бўлган «Невская усадьба»,турар жой комплекси лойиҳасидир. У нафақат турар жойлар, балки дам олиш ва кўнгилочар масканлар, дўконлар, ресторанлардан тортиб, спорт марказлари ва болалар майдончаларини ҳам ўз ичига олади.

Мажмуа Нева дарёсининг ўнг қирғоғида, Санкт-Петербургдан 50 километр нарида Ленинград вилоятининг Всеволожск тумани Свердловск шаҳарчасидаги Новосаратовка мавзеида жойлашган.

Eltuz.com

Тағин ўқинг
13 июн 2016
Саммитга ҳали икки ҳафта вақт борлигига қарамай, масжидларга ва бошқа жамоат идораларига, одамлар махсус металл сканери орқали текширилган ҳолда ...
18 январ 2023
Эътиборингизга Элтуз «600 секунд»нинг 18 январь сонини тақдим этади.+++Қашқадарё вилояти Яккабоғ тумани Самоқ МФЙда қор эриши оқибатида сел юзага ...
26 январ 2022
(Таниқли шоир ва сиёсатчи Муҳаммад Солиҳнинг “Императив” китобидан 38-қисм. Аудиокитоб матнини муаллифнинг ўзи ўқиган. Давоми бор.) Ҳаёт – илмдир. ...
12 май 2016
Шу кунларда ўндан ортиқ “Ўзавтосаноат” ходимлари ва усталар зудлик билан Россияга ҳизмат сафарига жўнатилган. GM Uzbekistan заводидаги муҳандиснинг Eltuz.com ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...