Асосий мавзулар
1 июн 2018

Мирзиёевга ишониб қайтмоқчи бўлган қочқин ватанга киритилмади

Швециядан юртига қайтмоқчи бўлган 58 ёшли ўзбек қочқини Муҳиддин Қурбонов 23 май куни Ўзбекистон ватандошлигидан маҳрум қилиниб, Тошкент аэропортидан қайтарилди. Стокгольмга қайтиб келган Қурбонов воқеа тафсилотлари юзасидан «Элтуз» мухбирига интервью берди.

«Менинг қайтишимга асосий сабаб президент Мирзиёевнинг чақириғи бўлди. «Қўли қонга ботмаган бўлса келсин, ота-энасини олдига келиб яшайверсин», деган гаплари менга турки бўлди», дейди Қурбонов.

Бироқ Тошкент аэропортида бор-йўғи икки соат бўлган ҳуқуқ фаоли Стокгольмга ватандошлиги йўқ шахсга айланиб қайтди.

«Шамсиддинов деган лейтенант битта печать билан мени Ўзбекистон ватандошлигидан маҳрум қилди», дейди у.

Қурбоновга президент фармонига кўра, беш йил ичида Ўзбекистонда бўлмаганлиги боис ватандошликни йўқотганлигини маълум қилишган.

«Ўша келган самолётимга ўтқазиб қайтариб Швецияга жўнатишди», дейди ҳуқуқ фаоли.

Қурбонов 2006 йили Швециядан бошпана сўраган, бироқ шу пайтгача ватанга қайтиш умидида швед ватандошлигини олмасдан келаётган эди.

Шу йилнинг 4 декабрида Стокгольмда учрашув ўтказиб, ўзбек қочқинларини ватанга қайтишга даъват этган Ўзбекистоннинг Германиядаги консули Азимбой Озодовнинг тавсияси билан у ватанга қайтишга аҳд қилади.

Бироқ Муҳиддин Қурбоновнинг Тошкент аэропортида ватандошликдан маҳрум қилиниб Швецияга қайтиб келиши Ўзбекистондаги «кирди-чиқди» муаммоси эскича қолаётганини кўрсатмоқда.

Eltuz.com

Тағин ўқинг
23 ноябр 2017
1 ноябрдан бошлаб пойтахт бозорларида аҳолининг бирламчи эҳтиёжлари учун зарур бўлган айрим турдаги маҳсулотларнинг энг юқори нархлари ўрнатилди. Тошкент ...
15 январ 2017
Ўзбекистон Миллий Хавфсизлик Хизматини 1995 йилнинг 26 июнидан бери бошқарган Рустам Расулович Иноятов, мамлакатдаги юзага келган вазиятдан келиб чиққан ...
23 март 2018
Сарлавҳага чиқарилган бу гап буюк актёр Шукур Бурхонов ижросидаги Юсуф Ялангтўш ҳақидаги фильмда айтилган. Не тонгки, “пайғамбар” даражасига кўтарилган ...
14 апрел 2017
14 апрел куни тошкентлик журналист Алексей Волосевич, Бухоронинг Ромитан туманида, Газли шаҳар милицияси ходимлари томонидан ушланди. Алексейнинг сўзларига кўра, ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...