Асосий мавзулар
3 июл 2018

Гаров эвазига Тошкентга қайтган Баҳромовлар ДХХ ҳибсхонасида қолишмоқда

Тошкент тумаин ҳокимлиги кафолати билан Туркиядан қайтгач, 26 июнда ҳибсга олинган йирик тадбиркорлар Обид ва Олим Баҳромовлар Давлат хавфсизлик хизматининг «Гвардейский»даги ҳибсхонасида қолишмоқда.

Адвокат Фарҳод Турсуновнинг «Элтуз»га билдиришича, 3 июль куни ҳам аҳвол ўзгармаган ва уларнинг олдига яқинлари қўйилмаяпти.

«Кунига икки мартадан прокуратурага боряпман. Жиноят иши келиб тушган, бироқ терговчи ҳали аниқланмаганмиш», дейди Турсунов.

Унинг сўзларига кўра, мижози олдига ҳамон на уни, на қариндошларини қўйишаётгани йўқ. Сўнгги бор Баҳромовларга унинг яқинлари фақат «передача» – кийим-бош ва озиқ-овқат киритишга муваффақ бўлишган.

Турсуновга кўра, Баҳромовларнинг қамоқ жазоси гаров тўлаш шарти билан алмаштирилганидан кейингина улар 7 июнь куни Тошкентга қайтишган эди.

Бироқ дастлаб иш прокуратурага оширилган, кейин тағин Давлат хавфсизлик хизмати терговчиларига қайтарилган.

Ундан кейин эса ДХХ хавфсизлик чораси сифатида уларни ҳибсга олишга қарор берган.

Криминал доираларда «Обид карам» ва «Обид вагон» номини олган Обид Баҳромовнинг Хусан Московский (Ҳусан Зиёмуҳаммедов)нинг шериги экани айтилади.

Бироқ Баҳромовлар билан бирга ишлаган яқин қариндошлари «Элтуз» мухбирига бу гаплар хавфсизлик хизмати ўйлаб топган туҳмат эканини айтди.

Уларнинг айтишича, Баҳромовларнинг кенжаси Равшан 2015 йили 17 йилга қамалганидан сўнг акалари қочишга мажбур бўлишган эди.

2018 йилнинг мартида президентнинг бизнесменларни ватанга қайтариш ҳақидаги гаплари уларни Тошкент тумани ҳокимлиги кафолатини олиш учун ҳаракат қилишларига ундаган.

Айни пайтда Баҳромовлар ноқонуний валюта айирбошлаш, солиқдан қочиш, савдо ва хизмат кўрсатиш қоидаларини бузиш, пора бериш ва жиноий фаолиятдан олинган даромадларни легаллаштириш каби жиноятларда айбланиб, 15 йилга қамалишлари мумкин.

Eltuz.com

Тағин ўқинг
6 июл 2019
«Элтуз» нашри жамоаси бир ҳафта давомида Германия пойтахти Берлинда янги режаларни белгилаб олди ва навбатдаги тренингдан кейин уч ҳафталик ...
10 октябр 2019
Бугун республикада матбуот хизматларига эътибор қаратилмоқда, урра, урра билан президент қарори асосида барча шаҳар, туман ташкилотларида, ҳокимликларида янгидан ахборот ...
18 декабр 2017
Давлат статистика қўмитаси маълум қилган маълумотларни таҳлил этиб, расмий матбуотда «Ижтимоий фикр»га асосланиб айтилганидек, фаровонлигимиз юксалаётганини эмас, балки сўнгги ...
25 май 2017
20 май куни Ўзбекистон телеканалининг Таҳлилнома дастурида совет даври афсонасига айлантирилган аёл – Турсуной Оҳунова ҳаётига бағишланган лавҳани нимойиш ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...