Асосий мавзулар
10 сентябр 2018

Танловни чеклайдиган жамият – фақат ўзини чеклайди

Кескин қарашлари билан ижтимоий тармоқда танилган жиззахлик тадқиқотчи Рафаэл Сатторов «Элтуз» мухбири билан суҳбатда Ўзбекистондаги тузумни «архаик неофеодал жамият», дея атади.

«Ўзбек зиёлилари орасида, бизда диндорларни таъқиб қиладиган секуляр жамият мавжуд, деган нотўғри қараш бор», деди у «Элтуз» мухбири билан суҳбатида.

Аксинча, Сатторовнинг фикрича, ўзбек жамияти диний ақидалардан кўра секуляр дунёқарашни кўпроқ таъқиб қилади. Масалан, телевизорда ҳижобни чеклашдан кўра одамларнинг кундалик кийим-боши, юриш-туришини чеклашга оид кўрсатувлар кўпроқ.

«Бунга бағишланган яна қанча сон-саноқсиз тадбирлар ўтказилади университетларда. Масалан, ҳар хил субкультуралар бор. Улар хоҳлаган кийимини кия олишмайди, бирлаша олмайди – уларга дарров босим ўтказилади. Қандайдир айблов ёрлиқлари ёпиштирилади…», дейди у.

Унинг фикрича, диндорларга бағишланган, уларнинг ҳуқуқини чекловчи кўрсатувлар эса жуда саноқли.

«Элтуз» мухбирининг сўнгги ҳафтада бир қанча диний блогерларнинг жазога тортилганига оид эътирозли саволига жавобан Сатторов уларнинг айнан ҳукумат сиёсатини юргизаётган диндорлардан фарқли фикр билан чиққанлари учун жазоланишганини айтади.

«Мана, қамалган блогерларнинг бир Зиёвуддин Раҳим. У ўзининг диний фикрлари билан бошқа шахсларнинг эркин танловига қарши бўлган рўмол ўрамаган аёлларни фоҳишаларга тенглаштирган, сериал ижодкорларини ватан хоинлигида, фарзандларига ҳаром луқма едирганликда айблаган. У бошқалар эркини чекламоқчи эди, мана ўзига ҳам қайтиб келди шу чеклов…», дейди Рафаэл Сатторов.

Жамият тинимсиз секуляр фикрни чеклаш билан овора бўларкан, Сатторовнинг фикрича, бу мамлакатга ишончнинг йўқолишига, фикрловчи шахсларнинг мамлакатни тарк этишига, ўқиш ўрнига тинимсиз қандай кийимда келиш муҳокама қилинадиган мактабларни эса бўлғуси гастербайтерлар битказишига олиб келиши мумкин.

Eltuz.com

Тағин ўқинг
3 октябр 2018
Давлат статистика идораси 1 октябрда эълон қилган ҳисоботига кўра, сентябрь ойида товарлар ва хизматлар нархи ўртача 1¸8 фоиз кўтарилган. ...
28 сентябр 2016
Совет Ўзбекистони пайтида оддий расссомлар пахта терган бўлишса, катта рассомлар пахтакорлар сувратини чизишган. СССР давридаги пахта сафарбарлиги оддий одамлар ...
22 феврал 2019
Эсимни танибманки, демократияга қарши ва клерикал тоталитаризмни мақтайдиган реплика эшитаман. Ëшлигимда чоллар нуқул Сталинни мақтарди. Қаттиққўл бошлиқни ëки хотинини ...
5 сентябр 2018
Рустам Иноятов оиласи Россиянинг Тула вилоятида 5,3 млрд рубллик ($80 млн. доллар) парранда етиштирувчи саноатга эгалик қилади. Улар, шунингдек, ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...