Асосий мавзулар
9 октябр 2018

Суриядаги жангларда Россия ёллаган ўзбек шахси очиқланди (видео)

Украина хавфсизлик хизмати (УХХ) Россия ҳарбий разведкасининг 206 нафар штатсиз жангариси рўйхатини очиқлади. Улар «Вагнер» дея аталмиш гуруҳ аъзолари бўлиб, Суриядаги жангларда иштирок этишган. Улар орасида Ўзбекистон ва Марказий Осиё давлатлари ватандошлари ҳам бор.

Россиянинг ёллаган жангарилари ҳақидаги маълумотни УХХ 7 октябрь куни очиқлади. Ҳисоботда Украинанинг икки, Ўзбекистоннинг бир фуқароси шахсига оид алоҳида ҳужжатлар келтирилган.

Ҳисоботга киритилган қўшимча алоҳида маълумотда «Вагнер» гуруҳига ёлланган Ўзбекистон ватандоши 30 яшар Мамажонов Дилшод Машрабжонович номи айтилади.

УХХ маълумотига кўра, наманганлик Дилшод Мамажонов февраль ойидаги жангларда оғир ярадор бўлиб, Суриядан Россияга жўнатилган.

Украинанинг «Вагнер»га ёлланганлар таркибидаги икки ватандоши олдин Қрим аннекциясида иштирок этган севастополлик Короленко Олег Аркадьевич ва Оганесян Роман Григорьевич Суриядаги жангларда ҳалок бўлишган.

Ўзбек ва украинлардан ташқари УХХ 2018 йилнинг 7 февралидаги жангларда ҳалок бўлган уч нафар қирғизистонлик, икки нафар молдовалик, олти нафар россиялик, шунингдек, турли даражада ярадор бўлган ва тирик қолган Қозоғистон, Озарбайжон, Арманистон, Беларусь ва бошқа республикалар ватандошлари ҳақидаги маълумотларни ҳам очиқлади.

Россиянинг Суриядаги жанговар ҳаракатларида иштирок этган, «Вагнер»га ёлланган 206 нафар шахснинг тўлиқ рўйхати УХХ сайтида эълон қилинган.

«Вагнер» нима дегани?

Вагнер хусусий харбий ширкати Россиянинг ёлланма жангарилардан таркиб топган ҳарбий тизилмасидир. У 2013 йили ташкил этилган бўлиб, қатор «оловли нуқталар»даги ҳаракатларда иштирок этган.

Жумладан, «Вагнер»га ёлланганлар Донбассда Украинага қарши Россия томонида туриб уруш олиб боришган, Сурияда эса Асад режимини ҳимоя қилишган, шунингдек, Судандаги жангларда қатнашишган.

Россия ёлланганларни расмий даражада тан олмайди. Бироқ Россия матбуотида ушбу хусусий ҳарбий ширкат «Вагнер» лақаби билан кўпроқ танилган, Россия армиясининг истеъфодаги подполковниги Дмитрий Уткинга қарашли ҳарбий кучлар сифатида эсланади.

Eltuz.com

Тағин ўқинг
21 август 2022
Жорий йил 20 августи Ўзбекистонда «Тадбиркорлар куни» ўлароқ нишонланди. Юзлаб тадбиркорлар шикоятлари эшитилди, ўнлаб тадбиркорлар мукофотланди. Шикоятчи тадбиркорлар орасида ...
25 январ 2021
Ўзбекистон маданият вазири Озодбек Назарбеков боғча болаларига ҳар куни мақом ва миллий куйлар эшиттириш таклифи билан чиқди. Эндиликда мактабгача ...
23 декабр 2016
Чилонзор тумани “Тинчлик” масжидининг имом хатиби Шермурод Тоғай (Алишер домла) ўзининг Муниса Ризаева ҳақидаги чиқиши юзасидан ёзилган танқидий муносабатга ...
22 ноябр 2017
Андижон шаҳри ҳокими Дилмурод Раҳматуллаев мактаб директорлари ва ўқитувчиларини «ҳайвон», «шоқол», «эшшак», «гадой», «падарингга лаънат» дея ҳақоратлади. 16 октябрдаги ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...