Асосий мавзулар
20 апрел 2019

20 апрель – Муҳаммад пайғамбар туғилган кун

Кўплаб манбаларда Муҳаммад CАВ туғилган кунлари турлича талқин қилинади, бироқ саҳиҳ дея аталган кўп манбаларда 571 йилнинг 20 апрели кўрсатилган.

Хусусан, Муҳаммад ибн Мусо Хоразмий ҳам айни маълумотни қатъий деб ҳисоблаб: “Бундан бошқаси тўғри эмас”, деган.

Миср расадхонасининг собиқ мудири, геометрия фанлари доктори астроном Маҳмуд Пошо “Тақвимул араби қоблал ислом” китобида расулуллоҳ туғилган кун – рабиул аввал ойининг 9-куни душанба милодий 571 йил 20 апрель эканини астрономик ҳисоб билан аниқлаган.

rasm1182
Мусулмон рассомлари Аллоҳ пайғамбарини юзига парда тутилган тарзда тасвирлашган.

Шунингдек, “Hijri-Gregorian Converter”, яъни милодийдан ҳижрийга ва ҳижрийдан милодийга ўтказадиган махсус компьютер ҳисоблагич дастури орқали ҳисобланганида ҳам айни сана тасдиғини топган.

Аллоҳнинг сўнгги пайғамбари туғилган кун кўплаб мусулмон давлатларида алоҳида байрам сифатида нишонланмайди, бироқ Усмонли турк давлати даврида бу кунни “мавлуди набий” сифатида нишонлаш буюрилган.

Айни пайтда кўплаб Ислом уламолари бу кунни байрам қилиб нишонланиши нотўғри эканини ҳам иддао қилишади. Хусусан, Закоий Кўнрапа: “У зотнинг шахсиятига кўрсатиладиган ҳурмат-эҳтиромни у ёки бу кунда маросим ўтказиш билан адо этиб бўлмайди”, дейди.

Шайх Муҳаммад Содиқ “Мавлуд ҳақидаги хилоф” мақоласида: “Бу ойга мусулмон уммати “мавлуд ойи” номини берган. Мавлуд ойида улар ўз пайғамбарлари соллаллоҳу алайҳи васалламнинг туғилишлари ва буюк ҳаётларини эсга оладилар”, деган.

Айни пайтда Eltuz.com таҳририяти Муҳаммад пайғамбар туғилган сана ҳижрий ва милодий Григориан календарига кўра фарқли бўлиши мумкинлигини эътироф этади.

Масалан, Википедияда ва айрим манбаларда бу сана 571 йил 22 апрель сифатида кўрсатилган.

Eltuz.com

Тағин ўқинг
16 май 2016
Ўзбекистон Бош прокуратураси ходимлари ҳамда Тошкент шаҳрида жойлашган олий ўқув юртлари ўқитувчи-домлалари ўртасидаги учрашувда прокуратура ходимлари ўқитувчиларнинг пора олиб ...
29 апрел 2016
“Ҳуррият” газетасида Халқаро ёшлар бирдамлик куни муносабати билан эълон қилинган мақолада бугунги кунда дунё ёшлари муаммолар гирдобига ботиб қолгани, ...
14 сентябр 2017
Ўзбекистон телевидениесида эфирга узатилган “Отиннинг сўнгги “ови” кўрсатуви ижтимоий тармоқларда қизғин мунозараларга сабаб бўлмоқда. Кўрсатувда бир гуруҳ аёллар “ноқонуний ...
7 март 2018
Одатда донаси 10 минг сўм турадиган атиргул нархи 7 март куни Тошкентда 60 мингга чиқди. Бир дона орхидея гули ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...