Асосий мавзулар
10 май 2016

Ўзини фақир қилиб кўрсатишни севган “Автомобил қироли” потретига чизги

Бугун автомобил жанжали марказида қолаëтган Улуғбек (Бош вазир ўринбосари) билан бир муддат Ўзбекистон миллий банкида бирга ишлаганим боис Eltuz.com нашри ўқувчиларига билганларимни айтиб бермоқчиман.

Шу кунларда Ўзбекистондаги машина саноати билан боғлиқ барча айбларни Улуғбек зиммасига илишга интилиш кетаëтгандек туюлди менга.

Унинг қайсидир вилоят марказидаги “Халқаро аэропортдан қочишга урингани” ҳақидаги афсона ҳам “Папа”ни нафратини қўзғаш учун атай тўқилмадимикин деган савол ҳам миямдан кечди.

Уч хонали квартирада камбағалгина яшаëтган, эски костюм кийиб юрадиган, ўзи ҳам камбағалдан чиққан, боз устига хотини ҳам ҳиëнат қилган 46 яшар Улуғбекка ўзбек режимидан қочиб қутула олмаган мазлум рутбасини беришга ҳам уринилмоқда.

Улуғбекни бир муддат яқиндан таниган киши сифатида дарров айтаман – Улуғбек мазлум эмас.

У Ўзбекистондаги Каримов яратган механизмнинг бир мурвати холос.

Агар Улуғбек Хитойда яшаса эди коррупционер сифатида мутлақо қатл қилинган бўлур эди.

Энди бир бошдан гапирсам. Улуғбек “постқайтақуриш” деган тўқсонинчи йилларда Москвада МГУ талабаси бўлди. Ўша даврдаги талаба йўқсуллиги унинг табиатига сингиб кетди.

Йиллар ўтиб бойиб кетса ҳам ўзини мухтож ва йўқсил қилиб кўрсатиш Улуғбекнинг ҳаëт тарзи эди.

“Ташоблда туғилиб Москвани битирган” талаба бир муддат Ўзбекистон миллий банкида оддий клерк бўлиб ишлади.

Ўша пайтда банк раҳбарияти уни “тузукроқ костюм кийиб юриш борасида“ огохлантиргани эсимда.

Камтар бу мулозимнинг қашшоқ ҳаëти оилавий машмаша ва севгига ҳиëнат каби унсурлар боис фожеавий тус олди. Пировардида Улуғбек хотинидан ажрашиб чуқур ғуссага чўмди.
Айнан ўша “депрессив” кунларда уни эски таниши Равшан учратиб қолди. Равшан Ўзбекистон президенти девони раҳбари Зелимхон Ҳайдаровнинг катта қизига уйланиб ошиғи олчи бўлган “олтин олатли ëшлардан” бири эди.

Равшан билан Улуғбек Москвада танишишган эди. (Равшан кейинчалик автоҳалокат оқибатида ўлди.) Ҳуллас Равшан ўз дўстини депрессиядан қутқариш учун қайнотасининг алоқаларини ишга солди.

Улуғбек тезда ҳизмат пиллапояларидан юқорилаб бошлади. Давлат қурилиш академиясида тахсил оларкан, Москвада орттирган яна бир дўст марҳаматига ноил бўлди. Бу дўстнинг исми Ҳаëт Шарифҳўжаев эди.

Бир вақтлар Москвада бир майизни бўлиб еган бу “Улфати Се” энди Ўзбекистонда пул топиб бўлиб ейишга қарор қилишди.

Уларнинг назари Ўзбекистон автомобил санаотига қаратилди.

Банкдаги оддий клерк бўлган Улуғбек энди “Ўзбекавтосаноат”га босс бўлди. Бурни кўтарилиб атрофдагиларга паст назар ташлай бошлади.

Йўлдаги эшак ëки қўша фалокат

rasm1352
“Халқаро аэропортдан қочишга урингани” ҳақидаги афсона ҳам “Папа”ни нафратини қўзғаш учун атай тўқилмадимикин….(Али Қушчи)

Сал ўтмай Улуғбекка акахонлик қилган Равшан автоҳалокат боис оламдан ўтди. Равшаннинг машинаси кетаëтган йўлдан эшак минган одам чиқиб қолган ва уни айланиб ўтишга уринган машина чаппа бўлган.

Фалокат келса қўша-қўша келади деганидек, Улуғбекнинг яна бир соябони МХХ генерали Ҳаëт Шарифхўжаев ишдан четлаштирилди.

Ўғрибошию, рушватхўр мулозимлар орасида Улуғбек суғурта белбоғисиз ëлғиз қолди.

“Ўзавтосаноат” тизимидаги ўғирликлар кўлами ҳақидаги ҳужжатлар папкаси эса Улуғбек тахсил олган Россия давлати хавфсизлик идораси тарафидан Ўзбекистон президентига етказилди.

Улуғбек назардан қолди.

Эндиликда уни юқорига кўтарган ўғрибошилар пастга итара бошлашди.

Девонбоши Зелимхон ҳам, ўғрибоши Салим ҳам Улуғбекдан юз ўгирди.

Унинг ишонган тоғи булоқбошилик Парпиев ҳам, қамоқда қолаëтган Тоҳиржон Жалилов ҳам унга қарши кўрсатма бера бошлади.

У энди “автомобил қироли” бўлган Улуғ Бек эмас балки тубан тақдирига кўнган Рози Қулга эврилди.

Йиқилганни тепмаслик керак, деган нақл бор. Лекин Улуғбек йиқилгани йўқ, уни йиқитишди.

Бу криминал дунëдаги ўғрибошилар разборкасига ўхшайди.

Улуғбек гапига “отвечать қила олмагани учун” жазоланмоқда.

Бу ўринда кичик ҳулосам шу – Криминал разборкага айланган Каримов режими демонтаж бўлмас экан бундай “беспредел” давом этаверади. Бу тизимда мазлум ҳам золим ҳам йўқ.

Исмим Алишер, Улуғбек мени Али-қушчи деб атар эди, агар эсидан чиқмаган бўлса.
Тошкент 2016 йил 10 май


Али Қушчи,

Eltuz.com

Тағин ўқинг
19 январ 2016
Етти йилдан буён қамоқда қолаётган инсон ҳуқуқлари ҳимоячиси Ғайбулло Жалилов оғир аҳволда Сангородга ўтказилган. Бу ҳақда Eltuzга маҳкумнинг ҳамкасби ...
9 феврал 2018
Тошкентнинг «Ўрикзор» бозоридан харид қилган «Асл бахт» ширинлиги сифатидан шубҳаланган журналист Малоҳат Эшонқулова 4 февраль куни ўз суриштирувини ўтказди. ...
18 ноябр 2022
РТ: Азиз оға ини, опа сингил қадрдонларим. Мана хафта айланиб сиз билан биргаман.Матчон Суқилиш: Ничиксизла, мўччи ойбикала, хўжик биррила?РТ: ...
19 январ 2017
Янги сайланган президентнинг ғайрат-шижоати, яъни кетма-кет йиғилишлар ўтказаётгани, фармонлар қабул қилаётгани газеталарни, шулар қаторида партия нашрларини ҳам анча шошириб ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...