Асосий мавзулар
12 май 2016

Ўзбекистоннинг касод бўлган дарбадар машиналари Россиядан қайтарилади

Шу кунларда ўндан ортиқ “Ўзавтосаноат” ходимлари ва усталар зудлик билан Россияга ҳизмат сафарига жўнатилган.
GM Uzbekistan заводидаги муҳандиснинг Eltuz.com мухбирига айтишича, “сафарга кетган ходимлар Россия автосалонларида ўтмай ëттан бузуқ ўзбек машиналарини таъмирлаб Ўзбекистонга қайтариш” билан шуғулланишади.

Ўтган ҳафта қамоққа олинган GM Uzbekistan Бош директори Тоҳиржон Жалиловнинг ўрнига бош директор вазифасини вақтинча бажарувчи этиб тайинланган Рустам Ражабов “Ташқаридаги қаровсиз ўзбек машиналарини Ўзбекистонга қайтариб аҳолига сотиш” вазифасини қўйган.

Бу эса Ўзбек автомобилларини экспорт қилиш ғояси ўлганидан нишона сифатида кўрилмоқда.

Ўтган ҳафта Eltuz.com GM Uzbekistan раҳбарияти Ravon автомашиналарини Россияга эскпорт қилиш жараёнида криминал схема ишлатиб катта миқдордаги маблағларни ўзлаштирганликда гумонланиб қамоққа олингани ҳақида мақола эълон қилган эди.

Ravon бренди Россия ваколатхонаси расмийси Елена Кузнецованинг Озодлик радиосига билдиришича, Ўзбекистонда GM Uzbekistan раҳбариятига нисбатан бошланган терговга 2008 йилдан 2015 йилгача юз берган ва биргина Россиянинг АвтоВАЗ ширкатига 73 миллиард рубль зиён олиб келган воқеалар сабаб бўлган.

Россия ширкатларининг зиëн кўриши ортидан GM Uzbekistanдаги криминал схемалар икки давлат раҳбарлари муноқашасига мавзу бўлган.

Eltuz.com мухбирининг ўрганишича, бу масала 26 апрел куни Ўзбекистон ва Россия раҳбарларининг учрашув пайтида ҳам кун тартибининг матбуотга очиқланмаган қисмидан ўрин олган.

Eltuz.com илгари ëзганидек, бош вазир ўринбосари, айни пайтда «Ўзавтосаноат» АК бошқарув раиси, Машинасозлик, электротехника ва авиация саноатини ривожлантириш, маҳсулотларни стандартлаштириш масалалари мажмуаси раҳбари “Улуғбек Рўзиқулов мамлакатдан чиқиб кетиш пайтда МХХ ходимлари тарафидан аэропортда тўхтатилиб изоляция қилинган«.

«Ўзавтосаноат» мулозимларидан бирининг (Унинг аниқ исми шарифи тахририятда мавжуд) Eltuz.comга айтишича, машина жанжалига Ўзбекистоннинг собиқ Бош прокурори Рашиджон Қодиров ва Ўзбекистон

Давлат солиқ қўмитаси раиси Ботир Парпиевнинг ҳам алоқадорлиги текширилмоқда.

Манбанинг айтишича, Рўзиқулов билан биргаликда собиқ Бош прокурор Рашиджон Қодиров ҳам GM-Uzbekistan билан боглиқ криминал схемаларга оид жиноят иши бўйича терговчиларнинг саволномаларини ўқимоқда.

Абдужамил Дўстмуҳаммад
Eltuz.com

Тағин ўқинг
1 ноябр 2019
Кеча Манғитдан Қозоғистоннинг Тароз шаҳрига бориб таксичилик қилаëтган амаки билан гаплашдим. Тароз Ўзбекистондан яхши, деди у одам. Нега яхши ...
31 август 2020
«Темир дафтар»да, яъни сурункали кам таъминланганлар рўйхатида тўқликдан чўчқадай семирган, ем еган эшакдек тепонғич кимсалар ҳам бор. Кўп. Улар ...
30 сентябр 2020
БМТ Хавфсизлик кенгаши Нью-Йоркда фавқулодда йиғин ўтказиб, Тоғли Қорабоғ низосини муҳокама қилди. Хавфсизлик кенгаши Арманистон ва Озарбайжонни «зудлик билан ...
19 сентябр 2016
«XXI аср» газетаси (17.09.2016) Тадбиркорлар ва ишбилармонлар ҳаракати – Ўзбекистон либерал демократик партиясидан бўлажак давлат раҳбари сайловига вақтинчалик президент ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...