Асосий мавзулар
29 сентябр 2016

Кўзбўямачиликка мустаҳкам пойдевор қўйилмоқда

Ўзбекистондаги айрим маҳаллий интернет нашрлари, жумладан, «Кун.ўз» сайти мамлакат Касаба уюшмалари федерацияси матбуот хизматининг хабарини чоп этди.

Бу хабарда айтилишича, Ўзбекистон Республикасининг миллий қонунчилигида мажбурий ва болалар меҳнатидан фойдаланиш тақиқланади.

Биз бу хабарнинг эътибор қаратиш лозим бўлган айрим жиҳатларига тўхталиб ўтамиз.

Аввало, у аҳоли эътиборини мажбурий ва болалар меҳнати тақиқлангани масаласига қаратишни эмас, балки «ҳар бир фуқаро пахта йиғим-теримида ихтиёрий тарзда қатнашиш ҳуқуқига эга»лигини таъкидлаш мақсадини кўзлагани шундай билиниб турибди.

Мана, ўзингиз ўқинг: «Ўзбекистоннинг ҳар бир фуқароси пахта йиғим-теримида ихтиёрий тарзда қатнашиш ҳуқуқига эга. Агарда сизнинг ҳуқуқларингиз бузилса, 1092 ишонч телефони бўйича қўнғироқ қилинг”.

Бундан «теримда қатнашиш ҳуқуқингиз бузилса, ишонч телефонига қўнғироқ қилинг», деган маъно келиб чиқяпти-ку, шундай эмасми!?

Қолаверса, хабар пахта теримига мажбурлаб жўнатилаётган аҳоли вакиллари учун эмаслиги, балки бу жараённи кузатиб келаётган халқаро ташкилотлар билан музокараларда ўзига яраша «кўзир қарта»га эга бўлишни кўзлаши яққол кўриниб турибди.

Яъни «биз ҳатто аҳоли ўртасида мажбурий меҳнат қонунга зид экани тўғрисида тушунтиришлар ўтказдик», деган иддао қилиниши учун пойдевор қўйиляпти.

Бундан ташқари, бу хабар ишонч телефонларига қўнғироқлар деярли бўлмаганини (чунки бу қўнғироқ ҳеч нарса бермаслигини, аксинча, қўнғироқ қилинувчининг ўзига қарши қўлланилишини кўпчилик билади) пахта теримига жалб этилганлар бу жараёнда «ихтиёрий» равишда иштирок этмоқда, деб кўрсатиш учун ҳам зарур.

Аслида мажбурий меҳнат механизмининг бир мурвати ҳисобланмиш Касаба уюшмалари федерациясининг асл мақсади бу жараёни кўздан яширишга уриниш бўлганидан кейин яна ундан нимани кутиш мумкин?!

Одамларнинг шикоят қилмаслигига бир сабаб, улар билан бирга пахтада бўладиган бошлиқлари, директорлари шикояти учун уларни шу заҳоти ёки келгусида таъзирини бериши мумкин.

Касаба уюшмалари федерацияси эса ҳеч қачон, одамлар ҳуқуқини ҳимоя қила оладиган реал институт бўлмаган.

У одамлар ишончига сазовор бўла олмайди ҳам, чунки кўп йиллар давомида одамлар онгида, Ўзбекистон Касаба уюшмалари федерацияси (ЎКУ) вазифаси ҳукумат сиёсатини ҳимоя қилишга қаратилган яна бир давлат органидир, деган фикр шаклланган.

Eltuz.com

Тағин ўқинг
19 январ 2017
Элтуз нашри журналист Шамсиддин Тўлагановнинг Миллий ҳавфсизлик хизмати раиси Рустам Иноятов истеъфоси ҳақидаги мақолани чоп этиши ортидан Республика телеканали ...
15 феврал 2017
Карабук шаҳрида Ўзбекистон ватандоши 39 яшар Жамшид Раимов, пичоқ билан қуролланган уч киши тарафидан калтакланиб, 1000 доллар пулини олдирди. ...
17 апрел 2018
Россиянинг «Биринчи» телеканали Ўзбекистон ҳукумати билан ҳамкорликда мамлакат ичкарисида алоҳида телеканал очмоқчи. Бу ҳақда Ахборот ва коммуникациялар вазирлиги матбуот ...
25 ноябр 2016
Eltuz.com учун чизган навбатдаги карикатурасида рассом Туз Шавкат Мирзиёевни Каримов қабридан эстафета таёқчасини олиб кетаётган тарзда акс эттиради. «Каримовнинг ...
Блоглар
23 май 2022
(Таниқли шоир ва сиёсатчи Муҳаммад Солиҳнинг “Императив” китобидан 50-қисм. Аудиокитоб матнини муаллифнинг ўзи ўқиган) «Соф ...
17 май 2022
(Таниқли шоир ва сиёсатчи Муҳаммад Солиҳнинг “Императив” китобидан 49-қисм. Аудиокитоб матнини муаллифнинг ўзи ўқиган. Давоми ...
11 май 2022
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...