Асосий мавзулар
31 октябр 2016

Барча партиялар электорати «манфаати»даги фармон

Ўзбекистоннинг муваққат президенти Шавкат Мирзиёев имзолаган «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида»ги фармон ОАВда навбатдаги ура-ура тўлқинини бошлаб берганини аввал ҳам ёзгандик.

Партияларга тегишли газеталар ундан ўз мақсадларида фойдаланишга ҳаракат қиляпти. Хусусан, ЎзЛиДеП нашри бўлган «XXI аср» газетаси (27.10) бу фармон партия «электорати ҳимоясини мустаҳкамлаши» ҳақида бонг урди.

Бундан аввалроқ бошқа партияларнинг нашрлари ҳам бу фармонни кўкларга кўтариб мақтаган, у «бугунги кун талабидан келиб чиқиб қабул қилингани», энди тадбиркорлик «янада во-о-о» бўлишини башорат қилган, бу эса уларнинг электорати манфаатларига хизмат қилиши айтилганди.

Илгариги давлат раҳбари томонидан қабул қилинган шу каби фармонлар тадбиркорларнинг оғирини сезиларли даража енгиллаштирмагани, буниси ҳам аро йўлда қолиб кетиши мумкинлиги бугун партияларни қизиқтираётгани йўқ.

Асосийси, бу ҳужжат қабул қилинганини қизиғида мақтаб қолиш керак. Кейин нима бўлса бўлар, у ёғига худо пошшо…

Нима ҳам дердик, ЎзЛиДеП вакили бўлган муваққат ва афтидан бўлажак президент ҳамма партияларнинг электоратини ўйлайдиган раҳбар кўринади. Шунинг учун барча партиялар эртага янги президент кўрсатадиган «оқилона танланган, фаровон ҳаёт» йўлини мақташга ўтиб кетса, ҳеч ҳайрон бўлмаслик керак.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
23 декабр 2020
Ўтган пайшанба, 17 декабрь куни Telegram канали орқали Ўзбекистон Давлат хавфсизлик хизмати (ДХХ)нинг қатор “лохмач”ларини учратган жойда жазолаш ҳақида ...
7 октябр 2024
Инсоннинг туғма биологик қобилиятларини чеклаш, унинг онгини примитив туйғулар билан тўлдириш орқали  унинг ис ён қилиш, норозилик билдиришга бўлган истакларини ...
26 август 2022
30 йилдирки саргардонликда, аввал Норвегияда кейин Туркияда яшаётган Муҳаммад Солиҳ янги куллиёти – асарлар тўплами устида ишламоқда. Унга бир ...
25 апрел 2017
23 апрел куни Стокголм ҳужумчиси Рахмат Оқиловнинг шериги дея гумон қилинаётган учинчи шахс қўлга олинди. Чечен миллатига мансуб 26 ...
Блоглар
12 январ 2025
Турли мавзуларга ўз қараши билан фарқланадиган блогер Кирпи Президентнинг 380-сонли қарори асосида 1000та китобнинг ўзбек ...
7 январ 2025
Ижтимоий тармоқларда “1000китоб” лойиҳаси бўйича турли гап-сўзлар айланиб юрибди. Мансаб талашуви, зиёлиларнинг гуруҳ-гуруҳ бўлиб, бир-бири ...
22 ноябр 2024
Қудратлар айрилган тузум, яъни демократия автократиядан яхшидир. Бу гапни айтавериб тилим қаварди. Демократик жамият бўлган ...