Асосий мавзулар
7 ноябр 2016

Абдулла Ориповнинг дафн маросими пайшанбага қолдирилди (янгиланган)

Шанба эрталаб жони узилган Абдулла Орипов тошкентликлар коммунист-мозор деб айтадиган Чиғатой қабристонига олдин режалангани каби сешанба куни хам, кейинчалик қолдирилгани каби чоршанба куни хам эмас, балки пайшанба куни дафн қилиниши мўлжалланаётгани билдирилди.

«Шоир жасади солинган темир тобут кечикди. Тобут Техасдан Нью-Йоркка, Нью-Йоркдан Москвага келтирилади. Чоршанба куни президент учоғи Москвага бориб Ориповни тобутини юклаб қайтади», деган эди бундан илгари eltuz.com манбаcи.

Кейин эса, хали хам тобут Америкадан етиб келмагани, муфтий Усмонхон Алимов ва Вазирлар Махкамаси Диний ишлар қўмитаси раиси Ортиқали Юсуповлар шоирнинг оила аъзолари билан жаноза маросимини қачон ўтказишни келишиб олишгани хақида хабар келди.

Бундан олдин шоирнинг жанозаси шанба куни Хюстон шаҳридаги масжидда ўқилган эди.

Манбаларга кўра, шанба ва якшанба кунлари ўлик жўнатишга мутасадди ташкилотларнинг ишламаслиги майитнинг Ўзбекистонга юборилишини пайсалга солинган.

Eltuz.com манбасининг айтишича, якшанба кунидан бошлаб шоирнинг Дўрмондаги ҳовлисига фотиҳа ўқиш учун одамлар кела бошлаган.

Дуогўйларни шоирнинг акаси Абдураззоқ Орипов ва шоирнинг қизи Шоира Орипова кутиб олмоқда.

Ўзбекистон Халқ шоири, Ўзбекистон қаҳрамони Абдулла Орипов 5 ноябр куни эрталаб АҚШнинг Хюстон шаҳрида 75 ёшида вафот этган эди.

«Қора лола» шоирга сўнг маскан ҳозирламоқда

Шоирни Чиғатой қабристонига кўмиш тадориги Тошкентдаги «Қора лола» дафн хизматлари бюроси зиммасига юклатилгани айтилди.

Қабристони маъмурияти, «Қора лола» дафн хизматлари бюроси ва Тошкентдаги Фуқароларга хизмат кўрсатиш бошқармаси расмийларининг нашримизга тасдиқлашича шоир учун қабристон марказидан жой ажратилган.

Eltuz.com

Тағин ўқинг
20 июн 2018
Сиёсий маҳбус Муҳаммад Бекжон 2003 йилнинг баҳорида «Сангород»га этап қилинади. «Асли даволаниш муассасаси бўлишига қарамай, бу зонада этапни кутиб ...
29 октябр 2015
Америка – “Сеҳрли диёр”да яшаш иштиёқида бўлган ўзбекистонликлар бир ой мабайнида ўз омадларини синаб кўришлари мумкин. АҚШнинг Ўзбекистондаги элчихонаси ...
20 июл 2016
Одатдагидек, бу ишга, яъни ғўза ниҳолларини чеканка қилиш ишларига ҳам бюджет ташкилотлари ходимлари – боғча опалар, ўқитувчилар, шифокор ва ...
1 март 2021
Муаллиф: Линн Швейсфюрт, 2021 йил 9 февраль Кийим-кечак ишлаб чиқарувчилар, айниқса, Хитойнинг Шинжон пахта сектори АҚШ санкциялари остида қолганидан сўнг Ўзбекистонни ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...