Асосий мавзулар
19 декабр 2016

Европарламент Ўзбекистонни болалар эксплуатациясини тўхтатгани учун мукофотлади

«Халқ сўзи» газетаси (17.12) «Жаҳон» ахборот агентлигига таяниб Европа парламенти Ўзбекистон билан «тўқимачилик битими»ни ратификация қилиш учун овоз берганини хабар қилди.

Унда ёзилишича, Европарламентнинг ялпи йиғилишида Ўзбекистон ва Европа Иттифоқи ўртасидаги шериклик ва ҳамкорлик битимига тўқимачилик савдосига оид ўзгаришлар киритиш тўғрисидаги протокол маъқулланган.

Бу ҳужжатнинг ратификация қилиниши ЕИга Ўзбекистондан тўқимачилик маҳсулотлари импорт қилишга қулайликлар яратади ва борадаги кўплаб чекловларнинг бекор бўлишини таъминлайди.

Мақолада Европарламент халқаро савдо қўмитасининг Ўзбекистон бўйича маърузачиси Мария Арена хонимнинг кўпчилик ҳамюртларимизни салбий маънода ҳайратлантирадиган гапларидан иқтибослар келтирилган.

Бу хоним «Ўзбекистон Халқаро меҳнат ташкилоти (ХМТ) билан ҳамкорликни ривожлантириш борасида мамлакатда муносиб меҳнатни таъминлаш бўйича сезиларли натижаларга эришгани»ни таъкидлаб, «ХМТ ҳисоботларига кўра, 2015 йилда Ўзбекистон болалар меҳнатига йўл қўйилмайдиган давлатга айланди», дея ўзбеклар назарида ғирт ёлғон бўлган сўзларни айтади.

Нега бу ёлғон? Чунки бу гаплар билан европаликларни алдаш мумкиндир, аммо минглаб болалари ҳатто 2016 йилда ҳам пахта далаларига қувилган ўзбекларни алдаб бўлмайди.

Жорий йилда камида 3-та вилоятда катталар қатори мактаб ўқувчилари ҳам пахта теримига жалб этилгани ҳақида эркин матбуот, фуқаролик жамияти фаоллари етарлича асосланган маълумотларни тақдим этди.

Ўзбекистон-Германия инсон ҳуқуқлари форумининг бу борадаги мониторингга оид ҳисоботида ҳам кўплаб шундай ҳолатлар ҳақида сўз боради.
Шунингдек, унда мамлакатда пахта терими мавсумида мажбурий меҳнатни мониторинг қилаётган фаоллар таъқиб ва тазйиқларга дучор қилингани айтилади.

Шунга қарамай, М.Арена хоним «мамлакат ҳукумати ХМТ, Жаҳон банки ва бошқа халқаро тузилмалар билан ушбу йўналишда (яъни болалар меҳнатига йўл қўймаслик борасида – таҳ.) олиб бориладиган фаолиятда ўзининг содиқлигини намоён этмоқда», дейди.

Аслида Ўзбекистон ҳукумати болалар меҳнатига чек қўйиш эмас, балки болалар меҳнатидан фойдаланишни давом эттириш сиёсатига содиқ қолмоқда. Буни жорий йилги пахта мавсуми янада яққолроқ кўрсатиб берди.

Шундай бўлса-да, 2014-2020 йилларда Еврокомиссия Ўзбекистонга қишлоқ жойларни ривожлантириш учун 168 миллион евро ажратишини қўллаб-қувватлаш маъқул кўринади. Зора бу ёрдам Ўзбекистонда болалар меҳнатидан фойдаланиш кўлами камайишига олиб келса!

2016 йилги пахта мавсумида мажбурий меҳнатга оид ҳисоботни бу ерда рус тилида ўқишингиз мумкин.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
16 декабр 2020
11 декабрь куни Евроосиё иқтисодий иттифоқининг онлайн саммитида Ўзбекистон ва Кубага ташкилот ҳузуридаги кузатувчи давлат мақоми берилди. Тадбирда ЕОИИга ...
5 май 2021
Франциянинг қудратли императори Наполеон Бонапарт 1821 йилнинг 5 майида (Napoléon Bonaparte) Авлиё Елена оролида банди бир тарзда оламдан ўтди. ...
27 октябр 2015
Ҳеч телевизор кўрмайман. Лекин қандай қилиб бугун ишдан келиб телевизор пултини қўлимга олиб, Ўзбекистон телеканаллари бўйлаб “ўтлаб” кетганимни билмай ...
26 ноябр 2018
Ҳақиқатдан ҳам, “Яхшига қилсанг яхшилик ҳам айтадур, ҳам қайтадур ,- дейди, “ёмонга қилсанг яхшилик, на айтадур, на қайтадур” дейишади. ...
Блоглар
28 июн 2021
Асфальти йўқ кўчалар, газлаштирилмаган уйларимиз ҳақида «Дўстлик байроғига» ёзганимда ўн уч ёшда эдим. Қишлоғимизни бадбўй ...
25 июн 2021
Техник сабабларга кўра, бугун жума ваъзи эфирга узатилмайди. Аммо азиз муштарийлар учун бир пайтлар Урганчдаги ...
21 июн 2021
«Пахтакор»нинг келиб чиқиши турк, лекин швейцариялик Дердийок (ўзбекчасига Дардийўқ) деган футболчиси бор. Йиллик маоши 1,3 ...