Асосий мавзулар
10 феврал 2017

Кредит олиб бергич депутат ва ёнғоқнинг фойдаси

Депутатлар ҳам кутиб турган экан шекилли, президентнинг фаол бўлинг, деган топшириғидан кейин бел боғлаб халқ билан ҳам тиллашишга тушиб кетди. Ҳар ҳолда партияларнинг нашрларини кўздан кечирсангиз, шундай таассурот уйғонади.

Хусусан, «Миллий тикланиш» газетаси (8.02) шу номдаги демократик партиядан халқ депутатлари Денов тумани кенгашига айланган депутатнинг тиниб-тинчимай, «халқ дарди билан яшаётгани» ҳақида ҳикоя қилувчи мақола эълон қилди.

«Бугунги депутатнинг иш кабинетида ўтирмай, халқ ичида кўпроқ бўлиши жуда муҳим», дея қўриқ очган бу депутат опа яқинда бир учрашувда маҳалла фаолларидан бири унга иссиқхона қуриш учун кредит олишга ёрдам сўраганини билдирган.

Депутат ҳам эринмай учрашув иштирокчиларига банкдан кредит олиш учун нималар қилиш кераклиги ҳақида маълумотлар берибди.

Мақола муаллифига ҳам қойил, кредит олиш учун депутатга эмас, банкка мурожаат этиш кераклигини эслатмай қўя қолган. Агар шундай қилганида депутатнинг «фаоллиги»ни шубҳа остига қолдириши мумкин эди-да.

Кўп бора кузатганимиздек, президент бир гап айтса, лаббайчиларнинг ошиғи олчи бўлади. Ҳаммани товуқбоқарликка чорлаётган давлат раҳбари яқинда ёнғоқ ва бодом экиб, даромад қилиш масаласига ҳам тўхталганди.

«Қишлоқ ҳаёти» газетаси (8.02) бунга лаббай деб жавоб бериб, қишлоқ хўжалиги фанлари номзодининг «ёнғоқ минг йил даромад бериши» ҳақидаги мақоласини эълон қилди.

«Президентимиз Шавкат Мирзиёевнинг мутасадди раҳбарлар билан учрашувлари ҳамда аҳоли билан мулоқотида ёнғоқ мевали боғларни кўпайтириш борасидаги фикрлари моҳиятида эзгу ният мужассамдир», дейилади мақолада.

Олимларимиз ҳам қизиқ. Эртага президент мабодо, дейлик, акация ҳақида яхши гаплар гапириб қолса, улар шу дарахтни экишдан кўзланган «эзгу ниятлар» тўғрисида мақолаларни қаторлаштириб ташлайдими?!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
26 март 2024
Элтуз порталига келган навбатдаги 5 та мактубни ўқиб эшиттирамиз, улар Ўзбекистоннинг Тошкент ва Самарқанд вилоятларидан келган. Хатлар оқими айни ...
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага совга қилинган Камолондаги бутхонанинг ...
30 ноябр 2016
26 минут давом этган ББС ўзбек хизмати мухбири Ибрат Cафо билан суҳбати чоғида кичик Ислом Каримов шунингдек онаси Гулнора ...
24 март 2016
“Адолат” газетаси интернет маданияти ва ахборот хавфсизлиги масалаларига бағишлаб Самарқанд давлат чет тиллар институтида бўлиб ўтган тадбир ҳақида хабар ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...