Асосий мавзулар
2 март 2017

Каримовнинг жияни руҳий касалхонадан чиқарилди

1 март куни журналист Жамшид Каримов рухий ҳастахонадан озод қилинди.

49 яшар Жамшид ўтган йили ўлган Ўзбекистон президенти Ислом Каримовнинг жияни бўлади.

Жамшид Каримовнинг руҳий касалхонадан чиқарилганини ЕХХТнинг сўз эркинлиги бўйича вакили Дунья Миятович маълум қилди.

Жамшид Каримов 2005 йил сентябрида ҳибсга олинган ва кейинроқ маҳкама унга нисбатан олти ойлик мажбурий муолажа ҳақида қарор чиқарганди.

2011 йили қисқа муддатга касалхонадан чиқарилган Каримов сал ўтмай яна ëпиқ палатага ҳибс қилинди.

Журналистнинг марҳум онаси Маргарита Каримова ўғлининг ҳибсга олинишидан бир неча кун аввал уларнинг уйи МХХ томонидане кузатилаётганини билдирган эди.
Бунгача Жамшид Каримов интернетда маҳаллий ва марказий ҳокимият мансабдорларини танқид қилувчи қатор мақолалар эълон қилган.

Жамшид Каримов, Жиззах шаҳрида туғилиб ўсган, 2000 йиллар бошидан халқаро оммавий ахборот воситалари, хусусан, IWPR, “Фарғона.Ру” агентлиги, Ўзбекистоннинг “Арена” веб-сайти билан ҳамкорлик қилган.

Маҳаллий расмийларнинг ноқонуний фаолияти бўйича журналистик текширувлари билан танилган. Цензурага, барча даражадаги авторитаризмга қарши чиқишлар қилган.

2004 йилдан бошлаб Жамшид Каримов номаълум кимсалар ҳужумига дуч келиб, бир неча бор қаттиқ калтакланган эди.

Жамшид Каримов илк бор руҳий шифохонага 2006 йил сентябрида мажбуран ётқизилган.

Бу иш Жиззах шаҳар судининг яширинча қарори билан амалга оширилди. Бу ҳақда ҳатто унинг оила аъзоларига ҳам хабар қилинмаган.

Жамшиднинг дўстлари ва ҳамкасблари уни руҳий касалхонада сақланишини жазо аломати дея хисоблашади.

Улар халқаро ташкилотларни Жамшид Каримов тақдири билан қизиқиб кўришга, ҳамда Ўзбекистон расмийларидан журналистни зудлик билан озод этишга чақиришни сўраб келишади.

Инсон ҳуқуқлари ҳимоячиси Умида Ниёзовага кўра, Жамшид Каримовнинг тақдири ўтган йили ўлган Ислом Каримов тузумининг ўзгача фикрга нақадар тоқатсизлигининг ёрқин мисолидир.

Ўтган ҳафта дунёда энг узоқ қамоқда ўтирган ягона журналист Муҳаммад Бекжон ҳам қамоқдан озод этилганди.

Eltuz.com

Тағин ўқинг
26 декабр 2018
2018 йилнинг 26 декабри куни тармоқда қоп кўтарган гурас-гурас Қорбоболарнинг фотосуратлари пайдо бўлди. Айрим суратларда Қорбобо кийимидаги ўсмирларнинг Бувайда ...
26 июн 2017
Бугун Швецияда яшаётган ўзбекистонлик фаол Дилобар Эркинзода судья Низом Рустамовнинг ундан пора сўраганини очиқларкан, Швеция ва Ўзбекистондаги судлар ўртасидаги ...
12 феврал 2020
Гапнинг қисқаси, «Илҳом» театрини ўз ўрнида қолдиришга эришилди. Аммо Тошкентдаги «Илҳом» театри атрофида гап чувалашди. Ижтимоий тармоқларда «Илҳом» театр ...
13 апрел 2017
Ўзбекистонда давлат тилига катта эътибор ҳақида кўп гапирилаётганига қарамай, мамлакатда ўзбек тилини мустақил ўрганиш бўйича қўлланмани топиш анқонинг уруғидек ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...