Асосий мавзулар
23 март 2017

Фермерлар нега ишламаяпти?

Президентнинг топшириғига лаббай деб жавоб бераётган партиялар депутатлари шу кунларда туманма-туман чопиб юрибди. Бу партияларнинг нашрлари ҳам мазкур сафарлар ҳақидаги ҳисоботларни пешма-пеш ўқувчига етказиб ётибди.

Хусусан, “Адолат” газетаси шу номдаги партиянинг парламентдаги фракцияси раҳбари Қумқўрғон туманида бўлиб, аҳолининг муаммоларини ўрганиб келгани ҳақида ёзар экан,”Камчиликлар ўрганилди, навбат амалий ишга”, дея эълон қилди.

Мақолада сенатор ва депутатларнинг қанчалик фаол ишлаётганини кўрсатишга ишора берадиган рақамлар тўлиб ётибди. Улар ечимини топиб берган баъзи муаммоларни ўқир экансиз, кулишни ҳам, куйишни ҳам билмайсиз.

Тўғри, барака топгурлар тумандаги 417 та хонадонда бўлиб, тадбиркорлар билан учрашувлар ўтказган, таълим, кредит каби айрим соҳалардаги камчиликларни бартараф этган.

Лекин газета тушмагур бир гуруҳ сенатор ва депутатларнинг қилган амалий ёрдамларига келтирган мисоллари билан уларни сал кулгига қўйгани яхши бўлмаган.

Яъниким, сенатор ва депутатлар Сурхон маҳалласи ҳудудидан ўтган 300 метрдан зиёд эскирган электр сими туман электр тармоқлари корхонаси томонидан алмаштирилишига эришибди.

Шундай нуфузли халқ вакилларининг қилган ишларини арзимаган мисол билан кўрсатиб, уларнинг хизматларини ерга уриш шартмикин, деб ўйланиб қолади одам.

Мақолада айрим рақамлар ҳам келтирилганки, улар тумандаги аҳвол анча ночор эканидан дарак беради.

Хусусан, туманда 938 та корхонадан 128 таси ёки 14 фоизи фаолият кўрсатмаяпти. Фермер хўжаликлари бўйича вазият эса бундан ҳам баттар. Тумандаги жами 1022 та фермер хўжалигидан 437 таси умуман фаолият юргизмаётган экан.

“Демак, туманда қанчадан қанча ер бекор ётган экан-да? Фермерларнинг ишлашни хоҳламаётганига сабаб нима?” каби саволлар пайдо бўлади бу рақамни кўрганингиздан кейин.

Аммо мақолада сенаторлар ва депутатлар бу масала ечимини топиш учун нима ишлар қилгани ҳақида ҳеч нарса дейилмаган.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
7 июл 2016
“Ўзбекистон овози” газетаси Халқ демократик партияси етакчиси, партиянинг парламент қуйи палатасидаги фракцияси раҳбари Ҳотамжон Кетмоновнинг Бўз туманидаги сайловчилар билан ...
14 ноябр 2017
2017 йилда Ғарб давлатларида ўзбекистонликлар томонидан содир этилган туркум терактлар ўзбекларнинг радикаллашуви муаммосига эътибор қаратди. “31 октябрда Нью-Йоркда пиёдаларни ...
20 октябр 2020
19 октябрь куни журналист Бобомурод Абдуллаев фейcбукдаги саҳифасида Бош прокурор Ниғматулла Йўлдошевга мурожаат қилиб, унга Давлат хавфсизлик хизмати терговчисининг ...
13 май 2017
ТошДУнинг журфагида биз 1988-1993 йилларда ўқидик. Раҳматли домламиз профессор Очил Тоғаев публицистикадан дарс берардилар. Домлага нисбатан кўпчилик талабаларнинг ҳурмати ...
Блоглар
13 апрел 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов эътиборни ...
11 апрел 2021
«From Me to You» (Мендан сенга) — Леннон ва Маккартни дуэти ижро қилган зариф бир ...
8 апрел 2021
2010 йил 7 апрель куни ўз қарорлари билан озиқ-овқат ва коммунал хизматлар учун нарх-навони мислсиз ...