Асосий мавзулар
16 апрел 2017

Абдурахим Пўлатов: Эрдўғон ғалаба қилса Туркия парчаланади

Муҳолифатдаги “Бирлик” партияси лидери, ҳозир АҚШда яшаëтган Абдураҳим Пўлатов Туркия ватандошларига мурожаат қилиб, якшанба куни Туркияда президент ваколатини узайтириш масаласида ўтказилган референдумда Конституциядаги ўзгартиришларга қарши овоз беришга чақирди.

Ўзининг фейсбукдаги саҳифасида 72 яшар мухолифатчи Пўлатов 16 апрел куни Туркияда бўлаëтган референдумни “давлатни исломийлаштиришга йўл очиш мақсадидаги хатарли тадбир” дея атади.

“Референдумда Ражаб Эрдўғон тарафдорлари, тўғрироғи, исломчилар ғалаба қозонса, Туркия исломлашиш йўлидан кетишни жадаллаштириб, тезда тўла исломий давлатга айланиши, бу нарса бутун дунёни остин-устин қилиб юбориши муқаррар, натижада Туркия парчаланиб кетиши аниқ”, дея таъкидлайди “Бирлик” Партияси лидери Абдураҳим Пўлатов.

Туркиядаги рефередумда ўзгартиришларга “Ҳа” дейдиганлар ғолиб чиқса, ҳаммага ёмон бўлиши ҳақида огоҳлантирган Пўлатов референдум натижалари қандай бўлишидан қатъий назар Ражаб Тоййиб Эрдўғон Туркия истиқболи учун хатарли шахс бўлиб қолаверишига эътибор қаратди:

“Шуни ҳам тушунаманки, бугун референдумда исломчилар ютқазсалар ҳам, Ражаб Эрдўғон ўз ниятидан қайтмайди. У ҳозир Туркияда ўз диктаторлигини ўрнатиб бўлди, демак, мавжуд Конституцияга тупуриб бўлса ҳам, Туркияни исломий давлат деб эълон қилиш йўлида иш олиб бораверади. Менинг мақсадим, биринчи навбатда, туркий давлатларнинг рахбарлари, қолаверса, бутун Ғарб Ражаб Эрдўғоннинг режаларига очиқдан-очиқ қарши чиқиши, керак бўлса, уни бу режеалардан воз кечишга зўрлаш йўлига ўтишларига эришишдир.

Акс ҳолда, Туркия парчаланиб кетади, Турк Дунёси тушунчаси ўлади, Марказий Осиё давлатлари Хитойнинг вассалларига айланадилар”, дея таъкидлайди ўз мурожаатида Абдураҳим Пўлатов.

Туркияда Президентлик ваколатларини кенгайтириш борасида халқ референдуми бўлиб ўтмоқда.

Овоз берувчилар Ражаб Тойиб Эрдўғондан бошлаб келажак президентларга янги ваколат бериш-бермасликни ҳал қилишади.

Эрдўғон бошчилигидаги Адолат ва Тараққиёт партияси Туркиянинг парламентар бошқарувини Президент бошқарувига ўзгартиришни исташади.

Референдумда “Ҳа” деб жавоб бериш Эрдўғоннинг 2029 йилгача ҳокимиятда қолишига шароит яратиши ҳам мумкин.

Расм муаллифи таниқли турк рассоми Эргин Асëли
Eltuz.com

Тағин ўқинг
22 январ 2018
Қозоғистонда 52 нафар юртдошимизнинг автобусда тириклайин ёниб кетиши муносабати билан дунёнинг кўплаб мамлакатларидан ҳукуматимиз номига ҳамдарлик мактублари келди. Айнан ...
8 апрел 2017
Стокголмда 8 апрель куни ўтказилган матбуот анжуманида швед полиция вакиллари 7 апрель куни машинани оломон устига ҳайдаб теракт содир ...
11 октябр 2015
Ўзбекистонда дунёвий, демократик, саводли, зиёли мухолифатнинг йўқ қилиниши, келажакда қўзғолонлар бўлган тақдирда ҳукумат билан диалог қилишга заррача умид қолдирмади. ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва моддий ўтказмалардан ноқонуний фойдаланиш” ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...