Асосий мавзулар
7 март 2018

Бобомуроднинг суди унга қўлланган қийноқлар экспертизаси чиққунига қадар тағин қолдирилди

Тошкент шаҳри судида 7 март куни бошланган биринчи суд йиғилиши Бобомурод Абдуллаевга терговда қўлланилган қийноқ аломатларини аниқлаш ва экспертиза натижасини кутиш сабабидан тағин қолдирилди.

Суд мажлисининг бошида Бобомуроднинг адвокати Сергей Майоров ўз мижозининг тергов пайти ҳукуматнинг янги амалдорларига қарши компромат уйдириш учун қийноққа солингани ҳақида гапирди.

6 март куни мижози билан учрашган Майоров Бобомуроддан иқтибос келтириб, МХХ терговчиларининг уни ҳибсга олишдан асосий мақсади яқинда МХХ раҳбари бўлган Ихтиёр Абдуллаев ва ички ишлар вазири этиб тайинланган Пўлат Бобожоновга қарши компромат олиш бўлганини билдирган эди.

Судья Зафар Нурматов адвокатнинг талабини қондириб, суд тиббий экспертизаси тайинлаш тўғрисида қарор чиқарди.

Майоровга кўра, Бобомурод Абдуллаев ҳам жисмоний, ҳам руҳий қийноққа солинган.

“У муттасил қийноққа солинган. Қийноқлар “Бобомурод, сен нега янги президентни қўллаб-қувватлаяпсан?”, “Хўш, сенинг президентинг нима ҳам қила оларди?” (Мирзиёев назарда тутилган), “Янги президент қўл остида ҳамма ўғирлик қилади. Фақатгина МХХнинг шарофати билан ҳокимлар ўғирлик қилолмайди”, “Ҳақиқий ҳокимият МХХда ва президент ҳеч нарса қилолмайди”, деган гаплар остида кечган”, – дея маълум қилди адвокат Сергей Майоров.

Шунингдек, Майоровнинг мижози билан 6 март кунги учрашувига таяниб ёзишича, Бобомурод унга нисбатан қийноқлар қўллаган МХХ ходимларининг исмларини келтирган.

Уни бевосита калтаклаганлар Қобил, Элмурод ва энг шафқатсизи Мажид бўлган. МХХ ходимлари Ўлмас ва Володя исмли шахслар эса унга руҳий босим ўтказишган.

Улар Бобомуродни МХХ деворлари ичида ўлдирмасликларини, бу МХХ фаолиятига доғ туширишини, уни Тоштурма ёки зонада ўлдириб юборишларини айтишган.

Бобомурод айни қийноқлар остида “Эрк” демократик партияси лидери Муҳаммад Солиҳга қарши кўрсатма беришга ҳам мажбур бўлганини адвокатига билдирган.

Журналистнинг ўзи гарчи 2003 йилдан “Усмон Ҳақназаров” номи остида мақолалар ёзганини таъкидласа-да, уни 2013 йилдан бошлаб Муҳаммад Солиҳ топшириғи билан мақолалар ёзгани ҳақида кўрсатма беришга мажбурлашган.

Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган Бобомурод Абдуллаев ҳокимиятни ағдаришга уринишда айбланиб судланмоқда.

«Элтуз» нашри суд жараёнини кузатишда давом этади.

Eltuz.com

Тағин ўқинг
16 декабр 2016
“Халқ билан фикрлашган одам кам бўлмайди”, дея мулоҳаза қилди “Ўзбекистон овози” газетаси (13.12) сайланган президент Шавкат Мирзиёевнинг 2017 йилни ...
16 октябр 2015
Қудрат Бобожон Eltuz.com Мамлакат қонуни, оддий водопровод жўмраги, ёки халқ қўлидаги шиор бўлсин, ҳаммаси ўзгаришга муҳтож. Аксинча уларни моғор ...
20 апрел 2019
20 апрель куни Қозоғистоннинг Жамбул вилоятидаги “Тошкент-Олмаота” трассасида автобус ҳалокатга учради. Йўловчилари аксарият ўзбекистонликлар бўлган автобус ҳалокатида камида 11 ...
18 апрел 2018
Вазирлар Маҳкамасида 17 апрель куни бош вазир Абдулла Арипов раислигида ўтган видеоселекторда ўқитувчи ва тиббиëт ходимларини кўча тозалашга жалб ...
Блоглар
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: “Капитализм ҳуқуқсиз, ёлланма ишчиларни эзиб ишлатишдир. ...
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу ...
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...