Асосий мавзулар
24 август 2018

Telia Гулноранинг касофатига қолди

Швециянинг Telia трансмиллий коммуникация компанияси собиқ бошқарувчилари Ўзбекистоннинг марҳум президенти Ислом Каримовнинг қизи Гулноранинг касофатидан суд олдида жавоб беришга мажбур бўлмоқда.

Улар Гулнора Каримовага камида 350 миллион доллар пора берганликда айбланиб, Стокгольм суди олдида жавоб берадиган бўляпти.

Собиқ TeliaSonera компанияси Ўзбекистон мобиль алоқа бозорида Ucell бренди остида фаолият юритган.  

Компаниянинг 2003-2007 йиллардаги молиявий директори ва вице-президенти Теро Кивисаари, 2007-2013 йилларда бош менежери бўлган Ларс Нюберг ва Евроосиë фаолияти бўйича бош маслаҳатчиси Ули Туима судланувчилар курсисидан жой олади.

Улар Ucell фаолияти учун зарур бўлган лицензия олиш ва алоҳида ҳимояда бўлиш учун Гулнора Каримовага йирик миқдорда пора беришда айбланмоқда.

Маълум бўлишича, Гулнора Каримованинг ўзи судланувчилар рўйхатида йўқ. Унинг Швеция компаниясидан пора олган асосий шахс экани деярли исботини топиб бўлган. Шунинг учун муҳими унинг судда қатнашиши эмас, балки бу жиноят эканини била туриб унга пора берган Telia собиқ раҳбарларининг судга тортилишидир.

Таъкидлаш керакки, акцияларининг 37 фоиздан ошиғи швед ҳукуматига қарашли Telia компанияси АҚШ Адлия вазирлиги билан судгача эришилган келишувда Ўзбекистонга кириш учун Гулнора Каримовага 331 миллион доллар пора берганига иқрор бўлган ва 2017 йил сентябрда қарийб 1 миллиард доллар жарима тўлашга кўнган.

Мавжуд хабарларга ишонилса, ҳозирча мазкур иш юзасидан швед судида кўрсатма берадиган гувоҳлар рўйхатида Ўзбекистондан фақат Бош прокуратуранинг Уюшган жиноятчилик ва коррупцияга қарши кураш бошқармаси раҳбари лавозимида ишлаган Шавкат Умрзоқов номи киритилган.

Гулнора Каримова томонидан орттирилган бу ноқонуний пуллар можароси Швейцарияда ҳам давом этмоқда.

Сўнгги маълумотларга кўра, Швейцария томони айни пайтда мусодара қилинган бу маблағларни Ўзбекистонга топшириш жараёни устида ишламоқда.

Аммо Ўзбекистон фуқаролик жамиятининг бир қатор фаоллари Гулнора Каримованинг Швейцария банкларида сақланаётган пулларини шунчаки расмий Тошкентга топшириб юборишга шошилмасликка чақиряпти.

Уларнинг фикрича, бу маблағлар Ўзбекистонга мамлакат раҳбарияти ваъда қилаётган ислоҳотларнинг ижобий амалий натижаларига қараб, бўлиб-бўлиб қайтарилиши лозим.

Баҳодир Шариф
Eltuz.com

Тағин ўқинг
27 июл 2016
Ўзбекистонда инсон ҳуқуқлари билан боғлиқ вазият сўнгги олти ой давомида ўзгаришсиз қолган, дейилади ҳисоботда. Маҳкумларга нисбатан ғайриинсоний муносабат, дин ...
19 июл 2017
Президент Мирзиёевнинг келаси ойдан Давлат Солиқ Қўмитани фискал идора сифатида тугатиши, унинг фаолияти Молия вазирлиги ва прокуратурага бўлиб берилиши ...
10 феврал 2021
Қул нечун қул, чунки у бўйнидаги занжирга сиғинади. Кейинги дастурни тайёрлаш ниятида навбатдаги туман прокуратурасига бордим. Раҳбар билан кўришиб, ...
24 январ 2020
Президент Мирзиёев 2020 йилни «Илм-маърифат ва рақамли иқтисодиётни ривожлантириш йили», деб эълон қилди. Президент Шавкат Мирзиёев Олий Мажлиснинг Сенати ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...