Асосий мавзулар
27 сентябр 2018

Стефан Дюдуанон: “Чўлпонни оттирганлар Ўзбекистонда ҳамон эъзоздалигидан ҳайратдаман”

Алишер Навоий номидаги Ўзбекистон Миллий кутубхонасида 26 сентябрь куни француз олими Стефан Дюдуанон (Stefan Dudouannon) иштирокида шоир Чўлпон хотирасига бағишланган тадбир бўлиб ўтди.

“Абдулҳамид Чўлпонни оттиришда фаол иштирок қилган ўзбек ёзувчи ва шоирлари Абдулла Қаҳҳор, Ғафур Ғулом ва Ҳамид Олимжон Ўзбекистонда ҳали ҳам эъзозда эканлигидан хайратдаман. Тасаввур ҳам қилолмайсиз, айни кунларда мен Абдулла Қаҳҳор кўчасидаги меҳмонхонада истиқомат қиляпман”, – деди франциялик тарихчи олим Стефан Дюдуанон таниқли жадид шоирга бағишланган тадбирда.

Тошкентдаги Алишер Навоий номидаги Миллий кутубхонада ташкиллаштирилган тадбирга йиғилганлар олимнинг бу очиқламасини гулдурос қарсаклар билан қарши олишди.

Чўлпоншунос олимнинг айтишича, хоинларнинг улуғланиши каби бундай ҳолатлар бошқа мамлакатларда, хусусан, Францияда ҳам кузатилган.

“Ҳақиқат ва озодлик учун тизимга қарши курашиб, таъқиб ва қатағонга учраган ҳамда, аксинча, тизимга мос равишда ижод қилиб, фаровон яшаган ижодкорлар ҳамма ерда, ҳамма вақт бўлган. Иккинчи тоифадагилар ҳар замон ва ҳар ерда биринчи тоифадагиларни қатағон қилишда фаол иштирок қилишган. Лекин вақт ўтиши билан халқлар ҳақиқатпарварларни улуғлаб, иккинчи тоифадагиларни ардоқлашни тўхтатишган” – деди Стефан Дюдуанон.

Олим Ўзбекистонда совет мафкураси тугатилганига чорак асрдан кўп вақт ўтганлигига қарамасдан, шу мафкурага хизмат қилиб, мамлакат озодлиги учун курашганларни қатағон қилганларга ҳануз эҳтиром кўрсатилаётгани унинг учун тушунарсиз эканлигини ҳам айтди.

Тадбир иштирокчиларининг саволларига жавоб берар экан, Стефан Дюдуанон французлар Чўлпонни жасорати учун севиб ўқишини таъкидлади.

“Чўлпон ҳақиқатпарвар бўлган. У ёлғондан жирканган. У бирорта мафкурага бўйсунмаган. Шунинг учун ҳам французлар Чўлпонни севиб ўқийди. Чунки жасорат ҳар қандай давлатда ҳам қадрланади”, – деди француз олими.

Аввалига тадбирни тақиқлашди…

Шоир Рауф Парфининг юбилейини тўхтатиш ортидан Чўлпон ижодига бағишланиб Франция элчихонаси билан ҳамкорликда 26 сентябрга режаланган тадбир ҳам бекор қилингани ҳақида «Элтуз» хабар берган эди.

Тадбир ташкилотчиси Анвар Назирнинг 21 сентябрь куни «Элтуз» мухбирига билдиришича, таниқли француз олими иштирокидаги тадбир Франция элчихонаси ва Алишер Навоий кутубхонаси маъмурияти билан аввалдан келишилган, кейин эса бекор қилинган.

Миллий кутубхона ортидан Ойбек уй музейи ҳам Чўлпон ва Рауф Парфи тадбирининг ўтказилишига қаршилик қилган эди.

Жумладан, кутубхона  буни жой бандлиги ва юқорининг розилигини олиш кераклиги, Ойбек уй музейи эса «контора»нинг қаршилиги билан изоҳлаган эди.

Бироқ тадбирга бир кун қолганида тадбир ташкилотчиси Анвар Назир ижтимоий тармоқда Навоий кутубхонасида ўтишига қайтадан келишилгани ҳақида хабар берди.

Eltuz.com

Тағин ўқинг
15 ноябр 2016
Ўзбекистон матбуотида фельетон жанри деярли йўқолиб бўлган, десак янглишмаймиз. Босма нашрлардаги бу нуқсонни электрон ОАВ тўлдиришга уриняпти, шекилли. Сўнгги ...
19 сентябр 2018
Нақадар аччиқки, большевиклар инқилобидан буён топталиб келинган ва эндигина қаддини тиклаган жафокаш ўзбек тили тағин оёқости қилинди ва бундан ...
17 январ 2018
Ўтган йили турли даражадаги ҳокимларнинг зўравонлиги, сўконғичлари, қўл остидагиларга бўлган қўпол муомаласига оид хабарлар, ижтимоий тармоқлардаги бу ҳақдаги фикр-мулоҳазалар ...
25 май 2018
Бугун Ўзбекистон бўйлаб барча мактабларда ўқувчиларининг битирув кечалари ўрнига, президент Мирзиёев ўгитларини ёдлаш тадбирлари ўтказилди, бироқ шу куни уйига ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...