Асосий мавзулар
5 октябр 2018

Алишер Усмонов бизнеси, санкциялар ва мамлакатнинг сўнгги олигархи ҳақида

Россия телеканалига берилган интервью мазмуни

USM Holdings асосчиси, Россиянинг энг бой ўнталигига кирувчи Алишер Усмонов Россия каналининг «Действующие лица» («Ҳаракатдаги шахслар») кўрсатуви қаҳрамони бўлди. Бунда у кўрсатув бошловчиси Наил Аскерзодага ўз бизнеси, санцияларга муносабати, мамлакатнинг сўнгги олигархи ва ҳаёт тамойиллари ҳақида гапирди. «Медуза» нашри интервью мазмунини келтиради.

Фото: Сергей Гунеев / Sputnik / Scanpix / LETA

Бизнеси ҳақида

Мен ўзимнинг дастлабки миллионимни полиэтилен пакет савдосидан йиққанман. Жуда ширин туйғу. Кейин бу миллионни менинг ўртоғим казинода ютқазган.

Мен бир неча бор хонавайрон бўлиш ёқасида қолганман. Бир марта 1990 йили ҳатто мени ортиқ ҳеч ким топа олмаслиги учун маёқ ёқувчиси бўлиб ишлашга кетишни хоҳлаганман.

Менинг яна кўплаб активларим Ғарбда, катта ва кичик мамлакатларда қолган.

«Коммерсант» — бу аллақачон мени қизиқтирмайдиган бизнес. У аллақачон ОАВ тарихида қолган, барча босма нашрлар иккинчи истеъмолда бўлишади, сайтлар олдинга чиқади. Бироқ мен у ерда ишлаётган журналистларни ҳурмат қиламан. Бу мамлакат ривожланишида муҳим рол ўйнаган бренд, уни дафн қилиш керак эмас.

Олигархлар ҳақида

«Олигарх» деган сўзга тоқат қила олмайман. Бу сўзда эркак учун қандайдир қусурли нарса бор, «маликалар фаворити» деганга ўхшаш. Олигарх — бу ҳукуматдан ҳақини тўламасдан ўмарган кимса. Мен бундайлар сирасига ҳеч қачон кирмаганман. Бизда бўм-бўш вагонда яккаю ягона йўловчи қолган, ҳалиям кетяпти шунинг ичида. У битта ширкатидан ташқари ҳамма нарсасини йўқотган. Ва у ўзини олигарх деб билади. Қолганлар — Абрамович, Дерипаска — бу йирик ва талантли бизнесменлар. Мен эса ихтиёрсиз бизнесменман. Мен дунёни молия орқали англашни севаман, бироқ зерикарли пул бирликларини йиғишни ёқтирмайман.

Санкциялар ҳақида

Санкция — бу тарбиянинг яхши шакли эмас, айниқса, сиёсатга ҳеч бир алоқаси бўлмаган бизнесменлар учун. Идорани жазоланг, инсоннинг бунга нима дахли бор?!

Узоқ санкциялар бумеранг бўлиб қайтади. Уларга эътибор беришнинг кераги йўқ. Қандай шароит бўлса, шундай яшаймиз. Биз ўзбеклар сабрли халқмиз, лекин қўрқоқ эмасмиз.

Интернет ҳақида

Мен интернет қироли эмасман. Қироллар — бу Жобс, Гейтс, Цукерберг, Гришин, Дуров. Мен эса интернетнинг савдогари ва унинг ишқибозиман.

Интернетни тартибга солиш — архимуҳим вазифа. Мен цензура тарафида эмасман, қонун тарафидаман. Интернет — бу худди ядро қуроли каби. У тағин рақамли иқтисодиёт ҳам, инсониятнинг ахлати, ифлосликлари оқадиган клоака (чуқурлик, «Элтуз») ҳамдир. Бу нарса БМТ доирасида тартибга солиниши керак.

Мен Навальний ҳақида видео ёздим, чунки унга ўзининг қуроли билан жавоб қайтариш лозим эди. Жамият блогосферага кўчиб ўтяпти.

Ҳаёт ҳақида

Анча бўлди офисга бормайман. Кўпинча кунига ноль соатдан ишлайман.

Мен фаталистмасман, бироқ кимгадир ёки нимагадир тобе бўлишни истамайман. Мен фақат ўз президентимга ёки хотинимга бўйсунаман.

Ҳеч кимга ва ҳеч қачон қарз бермайман.

Мен ўз ҳаётимда ҳатто эркимни йўқотганман. Ҳозир нимадан қўрқишим керак?

Meduza.io
(Русчадан «Элтуз» таҳририяти таржимаси)

Тағин ўқинг
7 май 2018
7 май Радио куни сифатида нишонланишини ҳали совет даврлариданоқ билар эдим. Аммо 7 май оталар куни эканлигини Германияга ҳижрат ...
16 май 2018
Мирзиёевнинг АҚШга сафари бошланган 16 майда Россия нашрлари ИШИДнинг 5000 жангариси Ўзбекистонга ҳужум қилишга тайёрлиги ҳақида фейк хабарларни тарқатди. ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни остида тошкентлик таҳлилчи Анвар ...
24 январ 2018
Фарғона вилояти ҳокими Шуҳрат Ғаниев автобусда тириклайин ёниб кетган фарғоналик 16 йўловчини «ҳароми» деб ҳақоратлади. Ўзбекистондан Россияга кетаётган йўловчилар ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...