Асосий мавзулар
25 январ 2019

Миллий гвардия Янгиободдаги турбазани рейдерлик йўли билан босиб олди

25 январь куни «Элтуз» нашри Тошкент вилоятининг Ангрен шаҳри яқинидаги тоғли ҳудудда жойлашган Янгиобод турбазасининг босиб олингани ҳақидаги хабарни олди. Сайёҳлик базаси эгаларига кўра, бу тўсатдан уларга қарши қилинган рейдерлик ҳужумидир.

«Ҳозирги дақиқада Миллий гвардия ҳеч бир огоҳлантиришсиз Янгиобод турбазасини босиб олмоқда. Бирор ҳужжат кўрсатмасдан мулкларни хатлашмоқда. Турбазани ноқонуний ёпишди, ҳеч кимни киритишмаяпти ва ҳеч кимни чиқаришмаяпти. Турбазада Миллий гвардиянинг уч вакили ўтирибди, ўзимизнинг мулкимизни олиб чиқишга рухсат беришмаяпти. Улар бу турбаза ортиқ бизга тегишли эмаслигини билдиришмоқда. Маҳаллий ҳуқуқ-тартибот идораларига мурожаат қилдик, ҳамма қўрқяпти. Бирор қизиқиш билдиришмаяпти. Ёрдам бера олмасликларини, қўрқишларини очиқ айтишмоқда», дейилади билдиришда.

Телефон орқали «Элтуз»га интервью берган Янгиободдаги турбаза эгаси Али Тўхтаевнинг хотини Анна Тўхтаева ҳарбийлар уларга бу ҳудуд Миллий гвардия ихтиёрига ўтгани, бу ерда эндиликда уларнинг қўшинларига тегишли ҳарбий машқ полигони жойлашишини билдиришганини айтди.

Анна Тўхтаеванинг «Элтуз»га билдиришича, 25 январь куни эрталабдан курортга бостириб кирган миллий гвардиячилар уларни ва дам олувчиларни зонадан ҳайдаб чиқара бошлаган.

«Тўсатдан, ҳеч қандай огоҳлантиришсиз кириб келишди. Ҳатто ўзимизга тегишли шахсий буюмларимизни олиб чиқиб кетишга рухсат беришмади. Шу ерда дам олаётган, бир неча ой аввал пул тўлаб қўйган француз элчихонаси дипломатларининг ҳам гапини тинглашмади», деди Тўхтаева.

Унга кўра, бу йилги чанғи мавсумида февраль ойидан келувчилар учун ҳам барча йўлланмалар сотилган.

У тақдим қилган ҳужжатларга кўра, Янгиобод турбазаси Давлат мулк қўмитаси ва Ангрен шаҳри экологик соғломлаштириш объектлари ва қурилиш дирекцияси билан келишув асосида «Yangiabad Jemchujina Chatkala» масъулияти чекланган жамияти томонидан 2007 йилнинг 20 февралида харид қилинган ва инвестиция сарфланган.

Али Тўхтаевга тегишли бу турбазанинг нима асосда тортиб олинаётганини тасдиқловчи бирорта ҳужжат кўрсатилмаган. Фақат бу жой Миллий гвардия тасарруфига ўтгани билдирилмоқда.

Илгари Ангренда яшаган ҳуқуқ фаоли Дмитрий Тихоновнинг билдиришича, Янгиободдаги турбаза совет даврида республика аҳамиятига эга мақомда бўлган. У ерда альпинизм бўйича бутуниттифоқ мусобақалари ўтказиб келинган. Кейин ҳаммаси ортга кетиб, турбаза ўтира бошлаган.

«1999 йили жангарилар пайдо бўлиб ИИВ ходимларига ҳужум уюштиришган, ўшанда тўғри турбазага кираверишда уч нафар милиция ходими ўлдирилгач, ёпилган эди. Кейин у ер харобага айлана бошлади, қувурларини ўғирлаб кетишди. Кейин кимдир сармоя сарфлади ва турбазани тиклашди», дейди Тихонов.

Реклама постерларидан бирида «70-йилларда қурилган Янгиобод турбазаси ўн йиллик турғунликдан сўнг тағин тоғда дам олиш ҳаваскорларига ўз эшикларини очмоқда», дея ёзилади.

Постерда, жумладан, бир неча йилдан буён турар жой комплекилари реконструкция қилинаётгани ва бугунги кунда 130 кишига мўлжалланган иккита бино ишлаётгани билдирилган.

Eltuz.com

Тағин ўқинг
21 май 2021
“Абдулла Ғариб продакшн”, рассом Элсевар, рассом Туз ва “Элтуз” янги сиёсий сатирик анимацион фильмлар туркумининг олинчи қисмини тақдим этади. ...
1 апрел 2021
(Муҳаммад Солиҳ аудиокитобининг давоми) Москвадаги икки йиллик ҳаёт миллий қарашларимни сезиларли даражада радикаллаштирди, десам муболаға бўлмайди. Албатта, бу совет ...
18 май 2020
Россия Ташқи ишлар вазирлиги мулозимаси Мария Захарова «расмий идораларда ўзбек тилининг мажбурий қилинишини камчилик ёқлаётгани»ни ëзғиргани ортидан тармоқдаги мўътадил ...
3 сентябр 2018
Ислом Каримовнинг ўлганига икки йил бўлиши билан Ўзбекистон ҳукумати марҳум президентнинг шиорлари, расмлари ва китобларини йўқ қилиш кампаниясини бошлади. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...