Асосий мавзулар
14 феврал 2019

Бувайдалик боғча болаларига гўшт ўрнига ичак-чавоқ берилди

Фарғона вилоятининг Бувайда туманидаги боғчаларда болаларга гўшт ўрнига ичак-чавоқлардан тайёрланган овқатлар берилмоқда, дея билдирди боғча мудираларидан бири “Элтуз”нинг Фарғонадаги мухбирига.

Боғча мудирасининг ўз исмини ошкор этмаслик шарти билан “Элтуз”га айтишича, СанПиН (Санитария қоидалари ва нормативлари) меъёрлари бўйича болалар 100 граммдан гўшт истеъмол қилиши керак. Аммо 2018 йилнинг бошидан октябрь ойигача туманда бир бола учун 60 граммдан гўшт ажратилган.

“Етказиб берилаётган шу гўшт ҳам ўта сифатсиз, улар ҳайвоннинг ички органлари – ичак-чавоқлардан иборат”, дейди боғча мудираси.

 

Бувайдалик боғча болаларига ажратилган “гўшт”. Фото: Элтуз

Боғча мудиралари билан МТБ (мактабгача таълим бўлими) мудираси С. Қурбонова ўртасида тузилган шартнома бўйича таъминотчи М.Мамадалиева боғчага озиқ-овқат маҳсулотлари етказиб бериши керак.

Аммо боғчадагилар шартномада кўзда тутилган меъёрлар, жумладан, Ўзбекистон Республикаси Президентининг 2018 йил 12 июндаги ПК-3849-қарори ва МТБнинг шу қарор асосида 2018 йил 23 июнда чиқарилган 156-буйруғининг ижроси таминланмаганини айтишмоқда.

“Болаларга икки ой сут берилмади. Талаб ва шикоятларимиздан кейингина январь ойида ҳар бир боғчага қадоқланган сут берилди”,  деди “Элтуз”га шу тумандаги яна бир боғча мудираси.

Бувайда туманидаги иккита боғча мудираси иддаоларига кўра, боғчаларда озиқ-овқатдан ташқари, шартномада белгиланган 22 турдаги дори-дармон тўлиқ етказиб берилмаган.

Мудиранинг “Элтуз”га айтишича, бундан ташқари, тизимдаги 28 та МТМда иссиқлик тизими мавсумга тўлиқ тайёрланмаганлиги учун бугунги кунда ҳам боғчаларда болалар совқотиб ўтирмоқда.

Насима Даврон қизи
“Элтуз”нинг Фарғонадаги мухбири тахаллуси

Тағин ўқинг
29 апрел 2015
Безор бўлмадингизми, а?? Тинч қўйинглар энди, сизга ўхшаганлардан қочиб чиққанимга аллақачон 20 йилдан кўпроқ бўлди, айнан Ўзбекистон номли жаҳаннамдан ...
14 май 2016
Андижон шаҳар «Уйғур» жоме масжиди имом‑хатиб ноиби ўзбек ëзувчиси Нурилла Отахонов (Нуруллоҳ Муҳаммад Рауфхон)нинг “Бу кунлар” романига қарши мақолани ...
17 декабр 2015
Бугун машҳур россиялик ҳонанда ва бастакор, Афсонавий “Аквариум” гурухи солисти Борис Гребеншиков Муҳаммад Бекжон озодлигига бағишланган http://marafon-pisem.org/2015/index.html#uz хештеги остидаги ...
10 январ 2018
14 январь куни деновликлар ўтган йили Гиннесга кирган мега палов рекордини янгилашмоқчи. Рассом Туз эса рекорд концептини янада улканроқ ...
Блоглар
16 май 2019
Ҳақиқатга қайси томонидан қарасанг ҳам бир хил кўринади, дейишади. Маҳмуд Ражаб -шоир, ёзувчи, шу миллатнинг ...
15 май 2019
Бир пайтлар, Ўзбекистон Республикаси Президенти ҳузуридаги Давлат бошқаруви академиясига ўқишга кираётганимда, ҳозирги пайтда Фейсбукда ҳам ...
13 май 2019
Негадир кейинги пайтларда Халқаро меҳнат ташкилоти (ХМТ) ҳақида гап кетганида беихтиёр ёдимга Буюк Британия бош ...