Асосий мавзулар
18 феврал 2019

Ғаллаороллик йигит ИИБ ходимлари уни таҳқирлашганини билдирди

Жиззахнинг Ғаллаорол туманида яшовчи 30 яшар Акмал Аблокимов Самарқанд вилояти Иштихон туманида ички ишлар ходимлари томонидан таҳқирлангани ва калтаклангани ҳақида “Элтуз”га маълум қилди.

“Мана, ҳозир ҳам туман прокуратурасидан олган жароҳатларим юзасидан суд тиббий экспертизаси тайинлашни талаб қилдим. Бетоблигимга қарамай, ичкарига ҳам киргизмасдан, исмини ҳам таништирмаган туман прокуратураси ходими мен туман ички ишлар бошлиғи номига ариза ёзишим кераклиги ва улар менга суд тиббий экспертизасини тайинлаш ҳақида қарор беришини айтиб, мени сарсон қилиб қайтариб юборишди”, дея билдирди Аблокимов “Элтуз”га 17 февраль куни.

У “Элтуз”га Иштихон тумани прокурорига айни воқеа юзасидан 14 февраль куни ёзган шикоят аризаси нусхасини юборди.

Аризада ёзилишича, у 2019 йил 14 февраль куни соат 16.30 да машинасида ўз эҳтиёжи учун бензин олиб кетаётганида йўл-патруль хизмати (ЙПХ) ходимлари томонидан тўхтатилган. Ички ишлар ходимлари уни ИИБга олиб бориб, бензинни сотиш учун олиб кетяпман, деб ёзиб беришга мажбурланган.

Аблокимовнинг аризасида ёзишича, у бундай ёлғон тушунтириш хати ёзишдан бош тортгани сабабли Ваҳоб исмли ИИб ходими уни онасидан сўккан, оёғига тепган ва шапалоқлаб урган. Зарба кучидан йигит ҳушидан кетган.

Аризага кўра, соат 21.30 лар чамаси Акмални ташқарига олиб чиқишган пайтда у шифокор кўригидан ўтишини айтгани учун уриб-сўкиб яна ичкарига қайтариб олиб киришган.

“Фуқаро кийимидаги Хуршид деган ходим мени яланғоч қилиб, ГАИ ходими билан бирга телефонга туширди ва агар бензинни сотиш учун олдим, деб ёзиб бермасанг, видеони интернетга чиқариб юборамиз, деб пўписа қилишди”, дейилади Акмалнинг Иштихон прокурорига ёзган аризасида.

Акмал барибир мажбурий равишда ҳеч нарса ёзиб бермагач, тунги соат 23 дан кейин Самандар исмли бошқа бир милиция ходими уни олиб чиқиб кетганини иддао қилади.

Жабрланувчи прокурордан тиббий кўрикдан ўтиш учун Каттақўрғон тумани суд тиббий экспертизасига йўлланма беришни сўраган ва Иштихондаги бундай экспертизага ишонмаслигини билдирган.

“Чунки улар менга тан жароҳати етказганидан кейин дўхтирларни чақириб, ўзаро келишиб олишди”, деб ёзади Акмал.

Акмал Иштихон прокурорига ёзган аризасида ИИБ ходимларининг хатти-ҳаракатларига қонуний баҳо беришни сўраган.

Аблокимов бу адолатсизликка чидолмаслигини айтар экан, ички ишлар ходимларининг унинг қадрини ерга уриб, таҳқирлагани жазосиз қолиб кетишидан хавотир ҳам билдирган.

Ички ишлар ходимларининг ўз хизмат вазифасини суиистеъмол қилган ҳолда бегуноҳ фуқароларга нисбатан ноқонуний айбловлар қўйиши бугунги Ўзбекистон учун одатий ҳолдир. 

Бу ҳақда ижтимоий тармоқларда ҳам жуда кўп далиллар тарқатилмоқда. Куни кеча Миллий гвардия ходимининг Қўқон шаҳридаги кафеда караоке хонасига пичоқ ташлаб қўяётгани акс этган видео ҳам тарқалган эди. 

Eltuz.com

Тағин ўқинг
21 март 2019
Россиянинг Ёқутистон республикасида 36 яшар аёлнинг зўрлангани иддаолари ортидан марказий осиёлик мигрантларга, жумладан ўзбекларга қарши митинглар, таҳдидлар, тўқнашувлар авж ...
1 май 2015
Ислом Каримов Ўзбекистонга 1989 йилдан раҳбарликни бошлаган. 24 йил аввал. Жуда ҳам қадимдан. Бу вақт ичида у анча қартайиб ...
2 декабр 2016
Айрим вилоят газеталари эҳтиёткорлик билан имкон қадар дадилликка қўл ураётганга ўхшайди. Самарқандда чоп этиладиган “Зарафшон” газетасининг интернетдаги саҳифасида бу ...
3 сентябр 2019
Самарқандда 27 август куни ўтган “Шарқ тароналари” фестивали арафасида дайди итлар ва мушукларнинг оммавий ўлдирилиши жамоатчилик норозилигига сабаб бўлди.  ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...