Асосий мавзулар
30 март 2019

“Ўзбекэнерго” Россия истаги билан учга бўлингани иддао қилинди

Президент Мирзиёев 27 март куни имзолаган қарорга кўра, “Ўзбекэнерго” акциядорлик жамияти “Иссиқлик электр станциялари” АЖ, “Ўзбекистон миллий электр тармоқлари” АЖ, “Минтақавий электр тармоқлари” АЖга бўлинди.

Соҳанинг бўлиниши кутилаётгани ҳақида илгарироқ Podrobno.uz нашрига интервью берган ширкат раиси ўринбосари Феруз Қурбонов 1 мартга қадар мамлакат раҳбарига “Ўзбекэнерго”ни реструктуризация қилиш ҳақида таклифни олиб чиқишлари, ой охирида бу лойиҳа тасдиқланиши шартлигини билдирган эди.

“Яъни ҳар бир компания алоҳида хўжалик субъекти бўлади ва қандай қарор чиқаришни ўзлари ҳар қилишади”, дея таъкидлаган эди у.

Ҳукумат қарорига кўра, янги ташкил этилган тузилмалар юридик шахс сифатида 50 фоиз акцияга эгалик қилишади. Бу янги пакет харид қилиниши ҳисобланмайди. Чунки бу “Ўзбекэнерго”нинг қайта ташкил этилиши доирасида амалга ошади, дея ёзди, жумладан, Фарғона.ру нашри.

Айни пайтда, мамлакат энергетика тузилмасининг “арраланиши”да Ўзбекистонда атом электр станциясини қуришни режалаган Россиянинг аралашуви борлиги иддао қилинмоқда.

“Чубайснинг изи?” (Чубайсов след?) сарлавҳали мақолада “Узметроном” нашри ушбу жараённинг маслаҳатчиларидан бири ўтган йил охирида мамлакатга жимгина келиб кетган РАО ЕЭС собиқ раҳбари Анатолий Чубайс бўлиши эҳтимоли ҳақида ёзди.

2018 йилнинг 19 октябрида Россия президенти ташрифи доирасида Ўзбекистонда Россия иштирокида АЭС қурилишига рамзий старт берилган эди.

Eltuz.com

Тағин ўқинг
2 июн 2017
17 июндан ишга туширилиши мўлжалланаётган “Ўзбекистон 24” телеканали кўрсатувлари мазмунининг эскисидан фарқли бўлишига ишониш қийин. Чунки, янги телеканал бошқа ахборот ...
4 декабр 2019
Туркияда яшаётган атоқли адиб ва сиёсатчи Муҳаммад Солиҳ шу йилнинг 20 декабрида 70 ёшга тўлади. Муҳаммад Солиҳ ҳаёти ҳақидаги ...
17 феврал 2018
Ўзбекистон телеканалларидан бирида намойиш қилинаëтган “Севги изтироблари” кўп қисмли фильми душанба кунидан бошлаб эфир сеткасидан ташланади. Бу ҳақда “Элтуз”га ...
21 январ 2016
Ўзбекистонда фонограммага оғиз қимирлатадиганлар ҳам “Халқ артисти” унвонини сотиб олаëтгани борасида эътирозлар бор. “Унвон сотиш” жараëни рассом Элесевар учун ...
Блоглар
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...